Gujarati News

Gujarati News

News of Tuesday, 3rd December 2019

પ્રિયંકા વાઢેરાના આવાસ પર સુરક્ષા ખામીની વિગત ખુલી

રાજ્યસભામાં અમિત શાહે વિસ્તૃત માહિતી આપી : પ્રિયંકા ગાંધીના નિવાસે પરિવારના લોકોની ચકાસણી થતી નથી રાહુલ ગાંધીની કાળી કારમાં આવવા માટેની સૂચના હતી

નવીદિલ્હી, તા. ૩ : કોંગ્રેસના મહાસચિવ પ્રિયંકા ગાંધી વાઢેરાના ઘરમાં સુરક્ષા ચુકને લઇને જે બનાવ બન્યો હતો તેને લઇને આજે રાજ્યસભામાં જોરદાર ગરમી રહી હતી. જ્યારે એસપીજી સુધારા બિલ પર ચર્ચા થઇ રહી હતી ત્યારે કેન્દ્રીય ગૃહમંત્રી અમિત શાહે પૂર્ણ બાબત રજૂ કરી હતી. પ્રિયંકાના ઘરે સુરક્ષા ગાબડા અંગે અમિત શાહે પુરતી માહિતી આપી હતી. કોંગ્રેસના સભ્યોએ ગાંધી પરિવારથી એસપીજીની સુરક્ષા દૂર કરવાને લઇને હોબાળો મચાવ્યો હતો. આજે બિલ પર ચર્ચાનો જવાબ આપતા અમિત શાહે કહ્યું હતું કે, ૨૫મી નવેમ્બરના દિવસે આખરે પ્રિયંકા ગાંધી વાઢેરાના ઘરે શું થયું હતું તે બાબતની માહિતી તેઓ ધરાવે છે. શાહે કહ્યું હતું કે, આ મામલામાં ઉચ્ચ સ્તરીય તપાસના આદેશ કરી દેવામાં આવ્યા છે.

            શાહે ઘટનાનો ઉલ્લેખ કરતા કહ્યું હતું કે, ૨૫મી નવેમ્બરના દિવસે પ્રિયંકા વાઢેરાના ઘરે એક ઘટના બની હતી. પ્રિયંકાના આવાસ ઉપર જે સુરક્ષા છે તેમાં રાહુલ ગાંધી, રોબર્ટ વાઢેરા સુરક્ષા તપાસ વગર અંદર જાય છે. પ્રિયંકાના આવાસ ઉપર પરિવારના લોકોની પણ તપાસ કરવામાં આવતી નથી. સુરક્ષા કર્મીઓની પાસે એક સૂચના આવી હતી કે, રાહુલ ગાંધી એક કાળી સફારી ગાડીમાં પહોંચનાર છે. એજ વખતે એક કાળી સફારી ગાડી આવી હતી અને તેમાં મેરઠના કોંગ્રેસ નેતા શારદા ત્યાગી પણ હતા. ગૃહમંત્રીએ કહ્યું હતું કે, સમય એજ હતો. આ માત્ર સંજોગના હિસાબે મામલો બન્યો હતો જેથી શારદા ત્યાગી પણ સિક્યુરીટી તપાસ વગર જ અંદર જતા રહ્યા હતા. તેમ છતાં પણ અમે આ સમગ્ર મામલામાં ઉચ્ચ સ્તરીય તપાસના આદેશ આપી ચુક્યા છે. આ સમગ્ર મામલામાં ત્રણ અધિકારીઓને સસ્પેન્ડ કરી દેવામાં આવ્યા છે. આ મામલામાં ત્રણ લોકોને સસ્પેન્ડ કરાયા છે. ડીઆઈજી આમા તપાસ કરી રહ્યા છે. રાજનીતિ કરનાર લોકો આક્ષેપ કરી રહ્યા છે.

(7:48 pm IST)
  • માનવ સંસાધન મંત્રાલય કહ્યું છે કે તુરતમાં નવી શિક્ષણ નીતિ જાહેર કરી દેવાશે access_time 12:50 am IST

  • પાકિસ્તાન મરીન એજન્સી ગુજરાત દરિયાકાંઠેથી 18 માછીમારો સહિત 3 બોટ બળજબરીથી ઉપડી ગયાનું જાહેર થયું છે access_time 12:50 am IST

  • રાષ્ટ્રીય માનવાધિકાર જાગ્યું : યૌન શોષણની ઘટનાઓ પર કેન્દ્ર અને રાજ્યો પાસેથી અહેવાલ માંગ્યો : રાષ્ટ્રીય માનવાધિકાર આયોગે દેશમાં વધતી યૌન શોષણની ઘટનાઓ પર ગંભીર ચિંતા વ્યક્ત કરતા આ મામલે મીડિયા અહેવાલ બાદ કેન્દ્ર અને રાજ્યો પાસેથી વિસ્તૃત અહેવાલ access_time 1:08 am IST