Gujarati News

Gujarati News

News of Tuesday, 3rd December 2019

હવેથી ટ્રેનના જનરલ ડબ્બામાં પણ રિઝર્વેશન મળશે

જનરલ ડબ્બામાં સ્લીપરની વ્યવસ્થા શક્ય બની શકેપણ બેઠક મળે તેવી યોજના

નવી દિલ્હી : ભારતીય રેલવે ઉતારુઓને મદદરૂપ થવા એક મોટું પગલું ભરવા જઇ રહી છે. હવેથી ટ્રેનના જનરલ ડબ્બામાં પણ રિઝર્વેશન મળશે. અત્યાર અગાઉ જનરલ ડબ્બામાં રિઝર્વેશન મળતું નહોતું. લોકો કલાક બે કલાક વહેલા જઇને સ્ટેશન પર લાઇનમાં ઊભા રહેતા. ટ્રેન પ્લેટફોર્મ પર લાગે અને જનરલ ડબ્બાના દરવાજા ખુલે ત્યારે બળિયાના બે ભાગ જેવી સ્થિતિ સર્જાતી અને ઘણાએ અત્યંત હાડમારી સહન કરવાની આવતી. હવે જનરલ ડબ્બામાં પણ રિઝર્વેશન આપવાનું રેલવેએ નક્કી કર્યું છે.  

  હાલમાં આ યોજના પૂર્વ-મધ્ય રેલવેના દાનાપુર વિભાગમાં શરૂ કરાઇ રહી છે. એને પાસ ફોર અનરિઝર્વ્ડ બોર્ડ (પૂરબ) એવું નામ આપવામાં આવ્યું છે. દાનાપુર ઝોનમાં આ યોજના સફળ થશે તો દેશભરમાં એનો અમલ કરવાની રેલવેની યોજના છે.

આ યોજના હેઠળ ટિકિટ ધારકના વ્હોટસ્ એપ પર એના પોતાના ફોટોગ્રાફ સાથે સીટ નંબર આવી જશે. અત્યારે ફક્ત સીટ નંબરનો અમલ થવાનો છે. જનરલ ડબ્બામાં સ્લીપરની વ્યવસ્થા શક્ય બની શકે નહીં. કોઇ પણ ટ્રેનમાં જનરલ ડબ્બો એકજ હોય છે. એટલે મર્યાદા આવી જતી હોય છે. બધાંને બેઠક આપી શકાય. સ્લીપર આપી શકાય નહીં.

(1:37 pm IST)
  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST

  • ભારતીય રેલવેની મુસાફરોને ભેટ : હવે ટ્રેનના જનરલ ડબ્બામાં પણ રિઝર્વેશન મળશે : સીટ નંબર સાથે યાત્રીનો ફોટો વ્હોટ્સ એપ ઉપર આવી જશે : જગ્યા માટે થતા ઝગડા બંધ થઇ જશે :" પાસ ફોર અનરિઝર્વ્ડ બોર્ડ (PURB) " નામક યોજના પ્રાયોગિક ધોરણે શરૂ : ટૂંક સમયમાં સમગ્ર દેશમાં લાગુ કરાશે access_time 12:29 pm IST

  • નાણામંત્રી નિર્મલા સીતારમણ માટે 'નિર્બલા' શબ્દનો ઉપયોગ કરવા પર કોંગ્રેસના નેતા અધીર રંજન ચૌધરીની માફી માંગ પર આજે પણ બીજેપીના સભ્યો અડગ રહ્યાઃ આજે પણ સંસદમાં ધમાલઃ કોંગ્રેસનું વોકઆઉટ access_time 4:08 pm IST