Gujarati News

Gujarati News

News of Tuesday, 3rd December 2019

એસપીજી સુરક્ષા ખરડો રાજયસભામાં રજ

માત્ર ને માત્ર વડાપ્રધાનને જ આ સુરક્ષા મળશેઃ કોંગ્રેસ દ્વારા ઉગ્ર વિરોધઃ રાજકીય પ્રેરીત કૃત્ય ગણાવ્યું

નવી દિલ્હીઃ સંસદના શિયાળુ સત્ર દરમિયાન આજે મંગળવારે રાજયસભામાં એસપીજી સુધારા બિલ ગૃહમંત્રી  અમિતભાઇ શાહ દ્વારા રજૂ આવી રહયું છે.  આ બિલ લોકસભામાં પસાર થઈ ચૂકયું છે પરંતુ રાજયસભામાં તેના પર વિરોધ જોવા મળી શકે છે.  લોકસભામાં પણ ચર્ચા દરમિયાન કોંગ્રેસ સહિત અનેક વિપક્ષી પાર્ટીઓએ આ અંગે તીવ્ર પ્રતિક્રિયા આપી હતી.   સંસદના ઉચ્ચ ગૃહમાં આ ખરડો પસાર થાય તે માટે સંસદના ગ્રંથાલય ભવનમાં ભાજપ સંસદીય પાર્ટીની બેઠક મળી હતી. એવું માનવામાં આવે છે કે રાજયસભામાં ઓછી બહુમતીવાળી મોદી સરકાર અન્ય દ્યણા સાંસદોનો ટેકો મેળવવા  માટે રણનીતિ તૈયાર કરી રહી છે.  આ બેઠકમાં ભાગ લેવા માટે ભાજપના ઉચ્ચ નેતાગીરી સહિતના અનેક સાંસદ ગ્રંથાલય ભવનમાં મળ્યા હતા.  એસપીજી સુધારા બિલ પર ચર્ચા દરમિયાન લોકસભામાં કોંગ્રેસના સાંસદ મનીષ તિવારીએ સરકાર ઉપર આકરા પ્રહાર કર્યા હતા.  તેમણે આ બિલને રાજકીય પ્રેરિત ગણાવ્યું હતું.  તે જ સમયે, અમિતભાઇએ કહેલ કે આ ખરડા અન્વયે એસપીજી સુરક્ષા માત્રને માત્ર વડાપ્રધાનને જ મળશે અને વડાપ્રધાનપદ પરથી દુર થયા પછી પાંચ વર્ષ  સુધી જ મળશે.

(1:30 pm IST)
  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST

  • મમતા બેનરજી વિધાનસભાને જણાવ્યું હતું કે પશ્ચિમ બંગાળમાં ડેબ્યુથી ૪૪ હજાર લોકોને અસર થઇ છે:તેમણે કહેલ કે વિપક્ષ આ પ્રશ્ન રાજકીય સ્વરુપ આપી રહ્યા છે અને જાણે સરકારે ડેંગ્યુના લાર્વા પેદા કર્યા હોય તેવો માહોલ સર્જી રહ્યું છે. access_time 12:51 am IST

  • નાણામંત્રી નિર્મલા સીતારમણ માટે 'નિર્બલા' શબ્દનો ઉપયોગ કરવા પર કોંગ્રેસના નેતા અધીર રંજન ચૌધરીની માફી માંગ પર આજે પણ બીજેપીના સભ્યો અડગ રહ્યાઃ આજે પણ સંસદમાં ધમાલઃ કોંગ્રેસનું વોકઆઉટ access_time 4:08 pm IST