Gujarati News

Gujarati News

News of Tuesday, 3rd December 2019

૩ મુસ્લિમ કિશોરોના મૃતદેહો આસપાસ ભેદભરમઃ અકસ્માત કે ષડયંત્ર? પિતાનો આક્ષેપ

નવી દિલ્હી : મધ્ય દિલ્હી જિલ્લા અંતર્ગત નેતાજી સુભાષ માર્ગ નજીક દિલ્હી ગેટ ચોકડી પર શનિવારે રાત્રે ત્રણ કિશોરોના મૃતદેહ એક જ સ્થળેથી મળી આવતા સનસની ફેલાઈ ગઈ હતી. ત્રણેય છોકરાઓ સબંધી હતા. ત્રણેય કિશોરો સ્કૂટી પર હતા. પોલીસનો દાવો છે કે આ એક માર્ગ અકસ્માત છે. જયારે પીડિત પરિવારો પોલીસને શંકામાં મુકી ગયા છે. પરિવારના સભ્યોનું કહેવું છે કે લગ્ન સમારોહથી પરત ફરી રહ્યા હતા ત્યારે ત્રણેયનું મોત નીપજયું હતું. તે જ સમયે, દિલ્હી પોલીસના પેટ્રોલ વાહન તેની પાછળ હતા. મૃત્યુ પામેલા ત્રણ કિશોરોની ઉંમર ૧૬-૧૮ વર્ષની વચ્ચે હતી.

દિલ્હી પોલીસ પ્રવકતા અને મધ્ય દિલ્હી જિલ્લાના ડીસીપી (ડેપ્યુટી કમિશનર) મનદીપસિંહ રંધાવા દ્વારા કોઈ સત્ત્।ાવાર નિવેદન આપવામાં આવ્યું નથી, મૃત્યુ પામેલા બાળકોમાં સાદ, હમઝા અને ઓસામા છે. ત્રણેય છોકરાઓ તુર્કમેન ગેટ વિસ્તારના રહેવાસી હતા.

સાદના પિતાએ સ્પષ્ટ કહ્યું કે હત્યા માટે, મધ્ય દિલ્હી જિલ્લાની પોલીસ, જેમની પેટ્રોલિંગ ત્રણ છોકરાઓની સ્કૂટીનો પીછો કરી રહી હતી, તે જવાબદાર છે. જો પોલીસ જીપ્સીઓ છોકરાઓનો પીછો ન કરે તો બાળકો મૃત્યુ પામ્યા ન હોત. જોકે, શંકાના દાયરામાં ફસાયેલા સેન્ટ્રલ ડિસ્ટ્રિકટ પોલીસ હજુ પણ મૌન છે.

લગ્ન સમારોહમાંથી સ્કૂટી લઈ જતા ત્રણ છોકરાઓ કયાં હતા? તે હજુ સુધી જાણી શકાયું નથી. સાદના પિતાએ સ્પષ્ટ કહ્યું છે કે, જયારે તેને છોકરાઓનો મૃતદેહ બતાવવામાં આવ્યો ત્યારે પરિસ્થિતિ શંકાસ્પદ લાગી. એક સાથે ત્રણ કિશોરોના કરૂણ મોત બાદ લોકોમાં સેન્ટ્રલ ડિસ્ટ્રિકટ પોલીસ સામે રોષ છે. આ ઘટના બાદ હરાબાઇ પોલીસે તાત્કાલિક ઘટના સ્થળની આસપાસ સ્થિત મૌલાના આઝાદ મેડિકલ કોલેજ – દિલ્હી ગેટ આસપાસના વિસ્તારને સીલ કરી દીધા હતા.

(1:27 pm IST)
  • શરદ પવારે જાહેર કર્યું છે કે દેવેન્દ્ર ફડણવીસ અને અજિત પવાર એકબીજાના સંપર્કમાં હતા તેની મને જાણ હતી access_time 12:57 am IST

  • માનવ સંસાધન મંત્રાલય કહ્યું છે કે તુરતમાં નવી શિક્ષણ નીતિ જાહેર કરી દેવાશે access_time 12:50 am IST

  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST