Gujarati News

Gujarati News

News of Tuesday, 3rd December 2019

રિયલ્‍ટી કંપનીઓને લોન રિપેમેન્‍ટના ફાફાં:૧૪ અબજનું ધિરાણ જોખમમાં

ભારતના કોર્પોરેટ સેક્‍ટરમાં બેન્‍કોની એનપીએ અને લોન ડિફોલ્‍ટનું સંકટ દિવસેને દિવસે વધી રહ્યું છે

મુંબઇ, તા.૩: ભારતના કોર્પોરેટ સેક્‍ટરમાં બેન્‍કોની એનપીએ અને લોન ડિફોલ્‍ટનું સંકટ દિવસેને દિવસે વધી રહ્યું છે. એક રિપોર્ટ મુજબ બેન્‍કો, એનબીએફસી અને હાઉસિંગ ફાઇનાન્‍સ કંપનીઓ (HFC) દ્વારા રિયલ એસ્‍ટેટને આપવામાં આવલી ૧૪ અબજ ડોલરની લોન  ‘ગંભીર તણાવ' હેઠળ છે અને તેમને વ્‍યાજ અને લોનના હપ્તાની ચૂકવણીમાં મુશ્‍કેલીઓ પડી રહી છે.

રિયલ એસ્‍ટેટ કન્‍સલ્‍ટન્‍સી ફર્મ એનારોકએ એક નિવેદનમાં જણાવ્‍યું કે, બેન્‍કો અને એનબીએફસી/HFC દ્વારા ભારતના રિયલ એસ્‍ટેટને આપેલા કુલ ૯૩ અબજ ડોલરના ધિરાણમાંથી ૬૨ ટકા લોન તણાવ મૂક્‍ત છે એટલે કે હાલ આવું ધિરાણ ધરાવતી કંપનીઓ ઉપર લોન ડિફોલ્‍ટ થવાનું જોખમ નથી. જયારે બાકીને ૨૧ અબજ ડોલરની લોન એટલે કે ૨૨ ટકા લોન પણ થોડાંક દબાણ હેઠળ છે જો કે તેને ઉકેલી શકાય છે. આ સેગમેન્‍ટ ઉપર તણાવ મુખ્‍યત્‍વે વ્‍યાજની રિકવરીનો છે મુખ્‍ય મુદ્દલ રકમનો નહીં.

રિયલ્‍ટી કન્‍સલ્‍ટન્‍સી ફર્મે જણાવ્‍યું કે, ભારતીય રિયલ એસ્‍ટેસને આપેલી ૧૪ અબજ ડોલરની લોન એટલે કે ૧૬ ટકા ધિરાણ હાલ ‘ગંભીર તણાવ' હેઠળ છે, જેનો અર્થ એ છે કે સંબંધિત ડેવલપર્સ દ્વારા ઉંચું લિવરેજ કરવામાં આવ્‍યું છે જે ધિરાણની ચૂકવણીની મર્યાદિત કે અત્‍યંત ખરાબ સ્‍થિતિ દર્શાવે છે.

રિયલ્‍ટી સેક્‍ટરને આપવામાં આવેલા કુલ ધિરાણમાં હાઉસિંગ હાઉસિંગ સેક્‍ટરની હિસ્‍સેદારી સૌથી વધારે ૩૮ ટકા જેટલી છે, ત્‍યારબાદ કુલ લોનમાં NBFCનું ૩૪ ટકા અને બેન્‍કોનું ૨૮ ટકા યોગદાન છે.

જેમાંથી બેન્‍કો અને હાઉસિંગ ફાઇનાન્‍સ કંપનીઓએ વધુ ૭૦ ટકા અને ૨૫ ટકા ધિરાણને તેની લોન બુકમાં આરામદાયક સ્‍થિતિમાં દર્શાવી છે. જો કે આશ્‍ચર્યની વાત એ છે કે NBFCએ રિયલ એસ્‍ટેટને આપેલું ૫૮ ટકા ધિરાણ હાલ વોચલિસ્‍ટમાં છે.

(11:46 am IST)
  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST

  • ભાજપના સાંસદે સોનિયાને ઘુસણખોર કહેતા લોકસભામાં કોંગ્રેસનો હંગામો : સંસદીય મંત્રી પ્રહલાદ જોષીના નિવેદન કે લોકોએ પીએમ મોદીને બીજીવાર ચૂંટીને મોકલ્યા છેઃ કોંગ્રેસના ખુદના નેતા ઘુસણખોર છે access_time 3:57 pm IST

  • નાણામંત્રી નિર્મલા સીતારમણ માટે 'નિર્બલા' શબ્દનો ઉપયોગ કરવા પર કોંગ્રેસના નેતા અધીર રંજન ચૌધરીની માફી માંગ પર આજે પણ બીજેપીના સભ્યો અડગ રહ્યાઃ આજે પણ સંસદમાં ધમાલઃ કોંગ્રેસનું વોકઆઉટ access_time 4:08 pm IST