Gujarati News

Gujarati News

News of Tuesday, 3rd December 2019

કેલીફોર્નિયામાં મૈસુરના અભિષેક ભટ્ટને ગોળી મારી :મોત

અમેરીકામાં વધુ એક ભારતીય વિદ્યાર્થીની હત્યા

ન્યૂયોર્ક, તા.૨, કર્ણાટકના  મૈસૂરનો વતની  અને અમેરિકામાં કેલિફોર્નિયા ખાતે કોમ્પ્યુટર સાયન્સનો અભ્યાસ  કરતો વિદ્યાર્થી અભિષેક ભટ્ટની અજાણ્યા શખ્સોએ ગોળી મારી હત્યા કરી હતી. અભિષેક ભટ્ટ એક મોટલમાં પાર્ટટાઈમ કામ કરતો હતો,ત્યારે તેની હત્યા કરાઈ હતી, તે કોમ્પ્યુટરમાં માસ્ટર ડિગ્રી ભણવા કેલિફોર્નિયા ગયો હતો. ડિગ્રી પૂરી કરવામાં માત્ર ચાર માસ બાકી હતા  અને તેની હત્યા થતાં પરિવારજનો ભાંગી પડ્યા હતા. પરિવારજનોએ કહ્યું કે, અભિષેકના મૃતદેહને ભારત લાવવામાં કઠીનતા હોવાથી તેના અંતિમ સંસ્કાર અમેરિકામાં જ કરાશે. અમે ભારતીય દૂતાવાસનો સંપર્ક કરી વધુ  માહિતી મેળવવાનો પ્રયાસ કરી રહ્યા છીએ.પરિવારમાંથી પિતા અને ભાઈ અમેરિકા અંતિમવિધિ માટે જશે.

સમગ્ર ઘટના ગુરૂવારે ઘટી હતી. અભિષેક જે મોટલમાં પાર્ટ ટાઇમ જોબ કરતો હતો ત્યાં બાહરથી જ તેનો મૃતદેહ મળ્યો હતો. અભિષેકને ગોળી ધરબી હત્યા કરનાર એરીક ટર્નર (૪૨) શનિવારે સવારે પોલીસ સમક્ષ હાજર થયો હતો. હત્યાના હેતુ અંગે પોલીસ દ્વારા પુછપરછ કરવામાં આવી રહી છે.

(10:07 am IST)
  • સાંજે 6-30 આસપાસ કેશોદ ફરતા 10 કિલોમીટરમાં જોરદાર વરસાદ પડી ગયાનું શ્રી બિપિન રૂઘાણીએ જણાવ્યું છે તેમણે કહેલ કે રસ્તાઓ ઉપર પાણી ભરાઈ ગયા છે તેવો વરસાદ પડી ગયો છે access_time 7:01 pm IST

  • મમતા બેનરજી વિધાનસભાને જણાવ્યું હતું કે પશ્ચિમ બંગાળમાં ડેબ્યુથી ૪૪ હજાર લોકોને અસર થઇ છે:તેમણે કહેલ કે વિપક્ષ આ પ્રશ્ન રાજકીય સ્વરુપ આપી રહ્યા છે અને જાણે સરકારે ડેંગ્યુના લાર્વા પેદા કર્યા હોય તેવો માહોલ સર્જી રહ્યું છે. access_time 12:51 am IST

  • ભારતીય રેલવેની મુસાફરોને ભેટ : હવે ટ્રેનના જનરલ ડબ્બામાં પણ રિઝર્વેશન મળશે : સીટ નંબર સાથે યાત્રીનો ફોટો વ્હોટ્સ એપ ઉપર આવી જશે : જગ્યા માટે થતા ઝગડા બંધ થઇ જશે :" પાસ ફોર અનરિઝર્વ્ડ બોર્ડ (PURB) " નામક યોજના પ્રાયોગિક ધોરણે શરૂ : ટૂંક સમયમાં સમગ્ર દેશમાં લાગુ કરાશે access_time 12:29 pm IST