Gujarati News

Gujarati News

News of Saturday, 3rd November 2018

પીઅેફમાં કેટલુ બેલેન્સ છે તે ઘરે બેઠા ભારત સરકારની મોબાઇલ અેપ્લીકેશન દ્વારા જાણી શકાશે

એક સમય હતો જ્યારે PFનું બેલન્સ ચેક કરવું હોય તો EPFOની ઑફિસમાં જવુ પડતુ અથવા તો પછી જ્યાં નોકરી કરતા હોઈએ તેના ફાયનાન્સ ડિપાર્ટમેન્ટમાં પૂછવુ પડતુ. પરંતુહવે તમારે તમારી કંપની વર્ષના અંતે PFનું સ્ટેટમેન્ટ આપે તેટલી રાહ નહિ જોવી પડે. તમે પાંચ સરળ રીતે PFનું બેલેન્સ ચેક કરી શકો છો.

ઉમંગ એપઃ

તમારા મોબાઈલ ફોનમાં ભારત સરકારની આ એપ ડાઉલોડ કરો. આ એપમાં તમે EPF પાસબુક જોઈ શકો છો, પૈસા ઉપાડવા હોય તો ક્લેઈમ કરી શકો છો અને તમારી અરજી ક્યાં સુધી પહોંચી તે ટ્રેક પણ કરી શકો છો. તમારે આ માટે તમારો મોબાઈલ નંબર યુઝ કરીને એક વાર રજિસ્ટ્રેશન કરાવવાનું છે.

EPFO પોર્ટલઃ

તમે EPFOની અલગ વેબસાઈટ પરથી PF પાસબુક જોઈ શકશો. આ માટે તમારે યુનિવર્સલ એકાઉન્ટ નંબર (UAN) પરથી એકાઉન્ટ જોડવાનું છે. ત્યારબાદ તમે પાસબુક વેબસાઈટ પરથી ડાઉનલોડ કરાવીને પ્રિન્ટ કરાવી શકો છો.

સ્ટેપ 1- મેમ્બર પાસબુક www.epfindia.gov.in માં ઉપલબ્ધ છે.

સ્ટેપ-2 ‘Our Services’ સેક્શનમાં જઈને ‘For Employees’ વિકલ્પ પસંદ કરો.

સ્ટેપ-3 ‘Services’ સેક્શનમાં ‘Member Passbook’ વિકલ્પ પસંદ કરો.

જો તમે સીધા આ પેજ પર જવા માંગતા હોવ તો તેની લિંક છે

https://passbook.epfindia.gov.in/MemberPassBook/Login.jsp

આ પાસબુક એક્સેસ કરવા માટે ધ્યાન રાખો કે તમારો UAN એમ્પલોયર દ્વારા એક્ટિવેટ કરાયો હોય. UAN નંબર EPFO દ્વારા આપવામાં આવે છે પરંતુ તે એમ્પલોયરે વેરિફાય કરવો પડે છે. જો તમારો નંબર એક્ટિવેટ થઈ ગયો હોય તો તમે UAN અને પાસવર્ડ નાંખીને લોગ ઈન કરીને પાસબુક બેલેન્સ ચેક કરી શકો છો.

જે સંસ્થાઓને EPF સ્કીમ 1952માંથી મુક્તિ મળી છે તેના સભ્યો માટે પાસબુક સુવિધા ઉપલબ્ધ નથી.

SMS મોકલીનેઃ

જો તારો UAN EPFOમાં રજિસ્ટર થયેલો હોય તો તમે 7738299899 નંબર પર SMS મોકલીને વિગતો મેળવી શકો છો. આ નંબર પર EPFOHO UAN ENG મેસેજ મોકલો. છેલ્લા ત્રણ અક્ષર તમે કઈ ભાષામાં વિગત મેળવવા માંગો છો તેના છે. મતલબ તમારે ગુજરાતીમાં મેસેજનો જવાબ જોઈતો હોય તો ટાઈપ કરો EPFOHO UAN GUJ.

આ માટે ધ્યાન રાખો કે તમારો UAN બેન્ક એકાઉન્ટ, આધાર અને પાન કાર્ડ સાથે જોડાયેલો હોય. નહિં તો તમારા એમ્પલોયરને આટલુ કરવા કહો.

મિસ્ડ કૉલ આપીનેઃ

જો તમે UAN પોર્ટલ પર રજિસ્ટ્રેશન કરાવી દીધો હોય તો તમે 011-22901406 નંબર પર મિસ્ડ કૉલ આપીને બેલેન્સ ચેક કરી શકો છો. આ માટે પણ UAN નંબર બેન્ક એકાઉન્ટ, આધાર અને પાન સાથે જોડાયેલો હોવો જરૂરી છે.

EPFO એપનો ઉપયોગ કરીનેઃ

EPFO એ M-sewa એપ બનાવી છે. તમે ગૂગલ પ્લે સ્ટોર પરથી તે ડાઉનલોડ કરી શકો છો. એક વાર એપ ડાઉનલોડ થઈ જાય પછી ‘Member’ પર ક્લિક કરી ‘Balance/Passbook’ સિલેક્ટ કરો. ત્યાર બાદ તમારો UAN અને રજિસ્ટર્ડ મોબાઈલ નંબર નાંખીને બેલેન્સ જાણો

(6:13 pm IST)