Gujarati News

Reliance જિયોએ પોતાના ગ્રાહકો માટે ‘Jio Diwali Dhamaka’ ઓફર લોન્ચ કરી છે. આ ઓફરમાં કંપની પોતાના કસ્ટમર્સને 100 ટકા કેશબેક આપી રહી છે. દિવાળી 100 % કેશબેક ઓફર જિયોના હાલના અને નવા કસ્ટમર્સ બન્ને માટે ઉપલબ્ધ છે. કેશબેક ઉપરાંત કંપની જિયો ફોન 2ના કેશબેક અને ફ્રી જિયોફાઈ જેવી અનેક ઓફર્સ આપી રહી છે.

ડિજિટલ કૂપનના રુપમાં મળશે કેશબેક

-149 રુપિયા અથવા તેનાથી વધારેના રિચાર્જ પર કંપની 100 ટકા કેશબેક આપી રહી છે. આ કેશબેક રિલાયન્સ ડિજિટલ કૂપનના રુપમાં મળશે. આ ઓફરનો ફાયદો ઉઠાવવા માટે કસ્ટમર્સ ઓનલાઈન અથવા જિયો સ્ટોર્સથી રિચાર્જ કરાવી શકે છે. કેશબેકની વધારે લિમિટ 500 છે. કેશબેક માટે કંપની 500ના મલ્ટિપલ કૂપન આપશે. ઉદાહરણ તરીકે જો કોઈ 9,999 રુપિયાનું રિચાર્જ કરાવે છે તો તેને 500 રુપિયાના 20 કૂપન આપવામાં આવશે. આ કૂપન માઈજિયો ક્રેડિટમાં આપવામાં આવશે. જેને રિલાયન્સ ડિજિટલ સ્ટોર પર 31 ડિસેમ્બર પહેલા રીડિમ કરી શકશો.

વાર્ષિક પ્લાન થયો લોન્ચ

કાર્ટની મિનિમમ વેલ્યૂ 5,000 રુપિયા હોવી જોઈએ. ધ્યાન રહે કે એકસાથે તમે 2 કૂપન રીડીમ નહી કરી શકો. કંપનીએ કસ્ટમર્સ માટે 1,699 રુપિયાનો સ્પેશ્યિલ વાર્ષિક પ્લાન પણ લોન્ચ કર્યો છે. જેમાં 1 વર્ષ માટે અનલિમિટેડ ડેટા અને વોઈસકોલની પણ સુવિધા મળશે. કોઈપણ 4જી ફોન ખરીદવા પર રિલાયન્સ જીયો કંપની 2,200 રુપિયાનું ઈન્સટન્ટ કેશબેક આપી રહી છે. આ ઓફર 198/299 રુપિયાના રિચાર્જ પર મળશે.

આવી છે અન્ય ઓફર્સ

-પેટીએમ, ફોન પે, એમેઝોન પે, મોબિક્વિક દ્વારા 398 રુપિયા અથવા તેનાથી વધારેનું રિચાર્જ કરવા પર યૂઝર્સને 300 રુપિયા સુધીનું કેશબેક મળી રહ્યું છે.

– LG Smart ટીવી ખરીદનાર ગ્રાહકોને ફ્રી jioFi, 2,000 રુપિયાનો ડેટા બેનિફીટ અને ફ્રી જિયો પ્રાઈમની મેમ્બરશીપ મળશે.

– 2,999 રુપિયાવાળા ‘જિયો ફોન 2’ ફીચર ફોન ખરીદવા પર જિયો 200 રુપિયાનું પેટીએમ કેશબેક આપી રહી છે.