Gujarati News

નવી દિલ્હી : કેન્દ્ર સરકારે 300થી વધારે મોબાઇલ એપને બ્લૉક કરી નાખી છે. ભારત સરકારે ચીન સહિત વિશ્વના અલગ અલગ દેશમાં બનેલી 348 મોબાઇલ એપને નાગરિકોની પ્રોફાઇલિંગ માટે યૂઝર્સની ડિટેલ્સને ભેગી કરવા અને તેને વિદેશમાં મોકલવાની ઘટના સામે આવતા બ્લૉક કરી છે. ઇલેક્ટ્રોનિંક્સ અને સૂચના પ્રૌધોગિકી રાજ્ય મંત્રી રાજીવ ચંદ્રશેખરે ભાજપના રોડમલ નાગરના એક સવાલના જવાબમાં લોકસભામાં આ જાણકારી આપી છે.

ચંદ્રશેખરે કહ્યુ, “આ 348 મોબાઇલ એપ્લિકેશન યૂઝર્સની જાણકારી ભેગી કરી રહ્યા હતા અને તેને ખોટી રીતે પ્રોફાઇલિંગ માટે દેશની બહાર સ્થિત સર્વરો સુધી પહોચાડતા હતા.” એમએચએના અનુરોધના આધાર પર Meityએ તે 348 મોબાઇલ એપ્લિકેશનને બ્લૉક કરી દીધી છે કારણ કે આ રીતના ડેટા ટ્રાન્સમિશન ભારતની સંપ્રભૂતા અને અખંડતા, ભારતની રક્ષા અને રાજ્યની સુરક્ષાનું ઉલ્લંઘન કરે છે.

એમ પૂછવામાં આવતા કે શું આ તમામ એપ ચીન દ્વારા વિકસિત કરવામાં આવી છે. ચંદ્રશેખરે કહ્યુ, આ એપ ચીન સહિત વિવિધ દેશ દ્વારા વિકસિત કરવામાં આવી છે.

સરકારનો આ નિર્ણય દક્ષિણ કોરિયાની ગેમિંગ ક્રાફ્ટનના એક લોકપ્રિય બૈટલ રૉયલ ગેમ, બૈટલ ગ્રાઉન્ડ મોબાઇલ ઇન્ડિયા (BGMI)ને પ્લે સ્ટોર પરથી હટાવવાના કેટલાક દિવસ પછી આવ્યો છે. ગૂગલે કહ્યુ હતુ કે તેને આ મામલે સરકારનો એક આદેશ મળ્યો છે અને આ રીતની એપ સુધી પહોચને બ્લૉક કરી દેવામાં આવી છે.

સપ્ટેમ્બર 2020માં ડેટા સુરક્ષા ચિંતાઓનો હવાલો આપતા ક્રાફ્ટનના પ્લેયર યૂએનડૉગ્સ બૈટલગ્રાઉન્ડ (PUBG)ને 117 અન્ય ચીન-લિંક્ડ એપ્સ સાથે બ્લૉક કરી દેવામાં આવી હતી. આ પહેલા વર્ષમાં એમ પણ કહેવામાં આવ્યુ કે 14 ફેબ્રુઆરીએ સુરક્ષા ચિંતાઓનો હવાલો આપતા સૂચના પ્રૌધોગિકી અધિનિયમની કલમ 69એ હેઠળ 53 અન્ય ચીન સાથે જોડાયેલી એપ સાથે બૈટલ રૉયલ ગેમ ફ્રી ફાયર પર પ્રતિબંધ મુકવામાં આવ્યો હતો.