Gujarati News

Gujarati News

News of Wednesday, 3rd August 2022

પતિએ કહ્યું: આઈ લવ યુઃ બીજી જ ક્ષણે પત્‍નિએ તેની નજર સામે તોડયો દમ

ફ્રી-ફ્‌લાય જમ્‍પ દરમિયાન એક મહિલાનું દુઃખદ અવસાન થયું: તે ૧૦૦ ફૂટની ઊંચાઈએથી સીધી જમીન પર પડી હતી : મહિલાને તાત્‍કાલિક હોસ્‍પિટલમાં લઈ જવામાં આવી હતી, જ્‍યાં તેનું મોત નીપજ્‍યું હતું: હવે આ કેસમાં ફ્રી-ફ્‌લાય જમ્‍પના પ્રશિક્ષકને કોર્ટે ૪ વર્ષની સજા ફટકારી છે

મોસ્‍કો, તા.૩: પતિની નજર સામે જ પત્‍નીનું મોત થયું અને પતિ તેને બચાવવા કંઈ કરી શકયો નહીં. ખરેખર, મહિલા ફ્રી-ફ્‌લાય જમ્‍પનો પ્રયાસ કરી રહી હતી. આ દરમિયાન એક અકસ્‍માત થયો અને તે ૧૦૦ ફૂટની ઊંચાઈથી સીધી જમીન પર પડી અને તેનું મોત થયું. આ કેસમાં ફ્રી-ફ્‌લાય જમ્‍પ ઈન્‍સ્‍ટ્રક્‍ટર એલેક્‍ઝાન્‍ડર મુઝિનાકાસને ૪ વર્ષની જેલની સજા ફટકારવામાં આવી છે.

મામલો કઝાકિસ્‍તાનનો છે. યુવતીનું નામ યેવજેનિયા લિયોન્‍ટેવા છે. તેણી ૩૩ વર્ષની હતી. ૧૦ ઓક્‍ટોબર ૨૦૨૧ના રોજ ફ્રી-ફ્‌લાય જમ્‍પ દરમિયાન તેમનું અવસાન થયું. હવે કઝાકિસ્‍તાનની કોર્ટમાં કેસની સુનાવણી દરમિયાન જણાવવામાં આવ્‍યું કે મહિલાનું મળત્‍યુ તેના પતિ એલેક્‍ઝાંડર ટાકાચેન્‍કોની હાજરીમાં થયું હતું.

ત્‍કાચેન્‍કોએ કહ્યું- મારી નજર સામે પત્‍નીનું મળત્‍યુ થયું. કોર્ટમાં કહેવામાં આવ્‍યું છે કે એવજેનિયા પહેલા તેનો એક મિત્ર ફ્રી-ફ્‌લાય ગયો હતો. અને તેણે તે સફળતાપૂર્વક પૂર્ણ કર્યું હતું.

સાક્ષીઓએ કોર્ટમાં જણાવ્‍યું કે યેવજેનિયા કૂદતા પહેલા ડરી ગયેલી દેખાતી હતી. પરંતુ પ્રશિક્ષક તેમને વારંવાર કૂદવાનું કહેતા હતા. આ પછી એલેક્‍ઝાંડરે તેની પત્‍નીને ‘આઈ લવ યુ' કહ્યું અને તે કૂદી પડી.

રિપોર્ટ અનુસાર, કૂદકામાં ઉપયોગમાં લેવાયેલ સહાયક દોરડું ઝાડ સાથે બાંધવામાં આવ્‍યું ન હતું. જેના કારણે મહિલા હવામાં લટકવાને બદલે સીધી જ જમીન પર લોખંડની વાડ સાથે અથડાઈ હતી. છત પરથી કૂદકો જોતા અન્‍ય લોકો ચીસો પાડવા લાગ્‍યા અને નીચે હાજર લોકો મહિલાની મદદ માટે દોડવા લાગ્‍યા.

ત્‍કાચેન્‍કોએ કહ્યું- હું મારી પત્‍નીને સપોર્ટ કરવા આવ્‍યો હતો. મારી નજર સામે જ પત્‍નીની હાલત કફોડી બની ગઈ. હું આઘાત અને ગભરાટમાં હતો. તે સ્‍પષ્ટપણે મેનેજમેન્‍ટની ભૂલ હતી.

૧૦૦ ફૂટની ઊંચાઈએથી પડી જવાને કારણે યેવજેનિયાની ખોપરી ખરાબ રીતે ફ્રેક્‍ચર થઈ ગઈ હતી અને તેના શરીરની જમણી બાજુએ બહુવિધ ફ્રેક્‍ચર થયું હતું. તેને તાત્‍કાલિક હોસ્‍પિટલ લઈ જવામાં આવ્‍યો, પરંતુ બાદમાં તેનું મોત થઈ ગયું.

યેવજેનિયાને ત્રણ બાળકો છે. તમામની ઉંમર ૧૪ વર્ષથી ઓછી છે. આ કિસ્‍સામાં, પ્રશિક્ષક મુઝિનિકાસને સલામતીના નિયમોનું પાલન ન કરવા અને બેદરકારીને કારણે મળત્‍યુ થવા બદલ દોષી ઠેરવવામાં આવ્‍યા છે. તેને ૪ વર્ષની સજા ફટકારવામાં આવી છે.

(3:50 pm IST)