Gujarati News

Gujarati News

News of Wednesday, 3rd March 2021

ખેડૂત આંદોલન લાંબુ ચાલે તેવા એંધાણ:ઉનાળાને ધ્યાને લઈને પાકા ઓરડા બાંધવાનુ શરુ : કૂલર અને પંખા પણ લગાવવાશે

દિલ્હીની ટીકરી બોર્ડર પર શિયાળાની જેમ ઉનાળો પણ પસાર કરવા ખેડૂતો તૈયાર

નવી દિલ્હી : કેન્દ્ર સરકારના નવા કૃષિ કાયદા સામે ખેડૂતો આંદોલન ચલાવી રહ્યા છે અને આ આંદોલન લાંબુ ચાલે તેવા ભણકારા વાગી રહ્યા છે.

બીજી તરફ આકરી ગરમી શરુ થઈ ગઈ છે અને હજી ઉનાળાનો સામનો કરવાનો બાકી છે ત્યારે દિલ્હીની ટીકરી બોર્ડર પર ખેડૂતોએ હવે પાકા ઓરડા બાંધવાનુ શરુ કરી દીધુ છે. જેમાં કૂલર અને પંખા પણ લગાવવામાં આવશે.

ખેડૂતોનુ કહેવુ છે કે, જે રીતે અમે ઘર બનાવીએ છે તે જ રીતે આ ઓરડા બનાવવામાં આવી રહી છે. જેમાં સારી ક્વોલિટીના મટિરિયલનો ઉપયોગ કરાઈ રહ્યો છે. જેથી ઓરડા વધારે પાકા બને.

ખેડૂતોનુ કહેવુ છે કે, શિયાળાની જેમ ઉનાળો પણ બોર્ડર પર પસાર કરવા માટે અમે તૈયાર છે જ્યાં સુધી નવા કાયદા રદ નહીં થાય ત્યાં સુધી અહીંથી અમે હટવાના નથી. ધરણા ચાલુ રહેશે. ખેડૂતોએ ધરણા પર બેસવાની સાથે સાથે ખેતીનુ ધ્યાન રાખવા માટે વ્યવસ્થા કરી લીધી છે. એક વખત કાપણી થઈ જાય તે પછી મોટી સંખ્યામાં ખેડૂતો ફરી ધરણા પર બેસવા પાછા ફરશે.

ખેડૂતોના આગેવાન રાકેશ ટિકૈત દ્વારા 22 માર્ચ સુધી દેશના વિવિધ રાજ્યોમાં પ્રદર્શન કરીને ખેડૂતોનુ સમર્થન મેળવવાની યોજના બનાવાઈ છે

(9:02 pm IST)
  • મોટા ગજાના બોલીવૂડ કલાકારો ઉપર આઈટી તૂટી પડ્યુ : બોલીવૂડના મોટા ગજાના સ્ટાર તાપસી પન્નુ, અનુરાગ કશ્યપના મુંબઈ અને દિલ્હી ખાતેના નિવાસસ્થાન અને ઓફીસો ઉપર આવકવેરા ખાતાઍ મોટાપાયે દરોડા શરૂ કર્યા છે : વિગતો મેળવાઈ રહી છે access_time 1:28 pm IST

  • રાજકોટમાં ૩૫ ડીગ્રી : રાજકોટ શહેરમાં ગરમીમાં દિનપ્રતિદીન વધારો થઈ રહયો છે : સાંજ સુધીમાં મહતમ તાપમાનમાં હજુ એકાદ ડીગ્રીનો વધારો સંભવ છે access_time 3:44 pm IST

  • સ્પેનિશ બોક્સિંગ ટુર્નામેન્ટમાં મેરીકોમ અને અમિત પંઘાલ સહીત 12 ભારતીયો ક્વાર્ટર ફાઇનલમાં પહોંચ્યા : આ ટુર્નામેન્ટમાં ભારતના ટોકિયો ઓલમ્પિક કોટા હાંસલ કરનારા તમામ 9 બોક્સર ઉપરાંત પાંચ અન્ય મુક્કેબાજ પણ ભાગ લઇ રહ્યા છે access_time 12:44 am IST