Gujarati News

Gujarati News

News of Wednesday, 3rd March 2021

લોકડાઉનમાં ૧૦ વર્ષના આ છોકરાએ ઉડિયામાં ૧૦૪ પાનાની રામાયણ લખી

ભુવનેશ્વર તા. : લોકડાઉન દરમ્યાન ઓનલાઇન કલાસિસમાં હાજરી આપવા સાથે ભુવનેશ્વરના ૧૦ વર્ષના આયુષકુમાર ખુંતિયાએ તેની માતૃભાષામાં ૧૦૪ પાનાંનું મહાકાવ્ય રામાયણ લખ્યું જેને 'પિલાકા રામાયણ'(બાળકો માટે રામાયણ) નામ આપ્યું.

કોરોના વાઇરસને પગલે લાગુ કરાયેલા લોકડાઉનનો સમય દરેકે પોતપોતાની આગવી રીતે વિતાવ્યો હતો. જોકે જેમને લાંબો સમય ઘરમાં રહેવાની આદત હોય એવા લોકો માટે સમય સૌથી કપરો રહ્યો હતો. ઘણા લોકોએ નવો બિઝનેસ શરૂ કર્યો, તો વળી ઘણાએ પોતાના જૂના શોખ જીવંત કર્યા હતા.

લોકડાઉન દરમ્યાન ઓનલાઇન કલાસિસમાં હાજરી આપવા સાથે ભુવનેશ્વરના ૧૦ વર્ષના આયુષકુમાર ખુંતિયાએ તેની માતૃભાષામાં ૧૦૪ પાનાંનું મહાકાવ્ય રામાયણ લખ્યું જેને 'પિલાકા રામાયણ' (બાળકો માટે રામાયણ) નામ આપ્યું.

વાસ્તવમાં માર્ચ મહિલામાં ટીવી પર રામાયણ સિરિયલ શરૂ થઈ ત્યારે તેના કાકાએ તેને જોવા અને એના પર કાંઈ લખવાનું કહ્યું. આયુષે ટીવી પર બધા એપિસોડ જોયા અને ઓડિયા ભાષામાં એના વિશે લખ્યું; જેમાં ભગવાન રામના ૧૪ વર્ષના વનવાસ, પંચવટીના જંગલમાંથી સીતાનું રાવણ દ્વારા અપહરણ અને ૧૪ વર્ષના વનવાસ પછી અયોધ્યાવાસીઓ દ્વારા રામના સ્વાગત વિશે લખ્યું છે.

(10:10 am IST)
  • તેલંગણાની પાવર ગ્રીડ ઉપર ચીનનો સાયબર અટેક : તેલંગણા સરકારે કહ્નાં છે કે ચીન દ્વારા તેલંગણાની પાવર ગ્રીડ અને સપ્લાય (વીજ પુરવઠો અને વીજ ગ્રીડ) ઉપર ચીને સાયબર અટેક કર્યો છે જે નિષ્ફળ બનાવવામાં આવ્યો છે access_time 1:29 pm IST

  • મોટા ગજાના બોલીવૂડ કલાકારો ઉપર આઈટી તૂટી પડ્યુ : બોલીવૂડના મોટા ગજાના સ્ટાર તાપસી પન્નુ, અનુરાગ કશ્યપના મુંબઈ અને દિલ્હી ખાતેના નિવાસસ્થાન અને ઓફીસો ઉપર આવકવેરા ખાતાઍ મોટાપાયે દરોડા શરૂ કર્યા છે : વિગતો મેળવાઈ રહી છે access_time 1:28 pm IST

  • રાષ્ટ્રપતિ શ્રી રામનાથ કોવિંદે કોરોના વેકસીનનો પ્રથમ ડોઝ લીધો : દિલ્હી સ્થિત રીસર્ચ એન્ડ રેફરલ હોસ્પિટલમાં કોરોના વેકસીન લીધી : લોકોને ગભરાયા વગર વેકસીન લેવા અપીલ કરી : રાષ્ટ્રપતિ કોવિંદે દેશમાં સૌથી મોટુ ટીકાકરણ અભિયાનને સફળતાપૂર્વક પાર પાડવા બદલ ડોકટરો, નર્સો, સ્વાસ્થ્ય કર્મીઓ, પ્રશાસકો વગેરેનો આભાર વ્યકત કર્યો : કપિલ દેવે પણ કોરોના વેકસીન લીધી : કોરોના વેકસીનના બીજા તબક્કામાં પૂર્વ ક્રિકેટર અને ૧૯૮૩ના ક્રિકેટ વર્લ્ડકપ વિજેતાએ ખાનગી હોસ્પિટલ ફોર્ટીસ ખાતે આજે વેકસીન લીધી હતી access_time 5:08 pm IST