Gujarati News

યુવા ક્રિકેટરો જશ્નમા ડુબ્યાઃ હાર્વિક દેસાઇએ વિનિંગ શોર્ટ ફટકારેલોઃ દેશભરમાં આતિશબાજીઃ  ભારતના યુવા ક્રિકેટરોએ ફરી એકવખત આજે ઇતીહાસ રચ્યો છે  અન્ડર-૧૯ વર્લ્ડકપના ફાઇનલમાં ઓસ્ટ્રેલીયાને પછાડી વિશ્વચેમ્પીયન બન્યું છે. ચેમ્પીયન બન્યા બાદ યુવા ખેલાડીઓ જીતનો જશ્નમાં  ડુબ્યા હતા. જે તસ્વીરમાં જોઇ શકાય છે.

ઓવલ, તા. ૩ : ન્યુઝીલેન્ડના ઓલના મેદાનમાં ભારતનો તિરંગો લહેરાયો છે. ટીમ ઈન્ડિયાના ઉભરતા ક્રિકેટરોએ ભારતને ફરી વર્લ્ડકપ અપાવ્યો છે. અન્ડર-૧૯ વર્લ્ડકપના ફાઈનલમાં ભારતે ઓસ્ટ્રેલિયાને હરાવી વર્લ્ડકપ જીતી લીધો છે. સતત ચોથી વખત વર્લ્ડકપ જીતી ઈતિહાસ રચી દીધો હતો. ૨૧૭ રનના ટાર્ગેટ સામે ભારતે ૩૮.૨ ઓવરમાં માત્ર બે વિકેટના ભોગે ટાર્ગેટ હાંસલ કરી લીધો હતો. ઓપનર મનજોત કાલરાએ શાનદાર સદી ફટકારી હતી. કાલરાએ ૮ ચોગ્ગા અને ૩ છગ્ગા સાથે ૧૦૨ બોલમાં અણનમ ૧૦૧ રન ફટકાર્યા હતા. જયારે કેપ્ટન પૃથ્વી શો ૨૯ અને સેમીફાઈનલમાં સદી ફટકારનાર શુભમ ગીલે ૩૧ રન બનાવી આઉટ થયો હતો. જયારે હાર્વિક દેસાઈ ૪૭ રન સાથે અણનમ રહ્યો હતો.

અન્ડર-૧૯ વર્લ્ડકપની ફાઇનલ મેચમાં ઓસ્ટ્રેલિયાએ ભારત મેચ જીતવા માટે ૨૧૭ રનનો પડકાર આપ્યો હતો. ઓસ્ટ્રેલિયાને હરાવીને ભારતે અંડર-૧૯ વર્લ્ડ કપમાં ઈતિહાસ રચી દીધો છે. ભારતે ૩૮ ઓવરમાં ૨૨૦ રન બનાવીને આ મેચ જીતી લીધી છે. - મનજોત કલારાએ ૧૦૧ બોલમાં ૧૦૦ રન બનાવીને સદી પૂરી કરી છે. કેપ્ટન પૃથ્વી શો ૨૯ રન અને શુભમ ગીલ ૩૦ બોલમાં ૩૧ રન બનાવીને આઉટ થઈ ગયો હતો.

ઓસ્ટ્રેલિયાની આખી ટીમ ૪૭.૨ ઓવરમાં ૨૧૬ રને સમેટાઈ ગઈ હતી. ઈશાનઙ્ગપેરોલે (૨/૩૦), કમલેશ નાગરકોટીએ (૨/૪૧), શિવા સિંહે (૨/૩૬) અનુકુલ રોયે (૨/૩૨) અને શિવમ માવી (૪૬/૧)એ બોલિંગ કરીને ઓસ્ટ્ર્લિયાની ટીમને પૂરી ૫૦ ઓવર પણ રમવા દીધી ન હતી. ભારતીય બોલરોએ કમાલની બોલિંગ કરી અને ઓસ્ટ્રેલિયાને મોટો સ્કોર ન બનાવવા દીધો. ઈશાન પોરેલ, અનુકૂલ રોય, કમલેશ નાગરકોટી અને શિવા સિંગે ૨-૨ વિકેટો લીધી. શિવમ માવીને પણ એક વિકેટ મળી હતી.

ભારતનાં ઈશાન પોરેલ, કમલેશ નગરકોટી, શિવાસિંહ, અંકુર રોયએ ૨-૨ વિકેટ અને શિવમે ૧ વિકેટ લીધી છે.

મેકસ બ્રયાન્ટ ૧૪, જેક એલબટ્ર્સ - ૨૮, કેપ્ટન જેશન સાંઘા - ૧૩, પરમ ઉપલ - ૩૪, નાથન - ૨૩, વીર સુથરલેન્ડ-૫, સેજુનાથન નેરલો - ૭૬ રન બનાવી આઉટ થયા હતા.

ભારતનાં યુવા બોલરોએ શાનદાર બોલીંગનું પ્રદર્શન કર્યુ હતું. સમગ્ર સિરીઝમાં ટીમ ઈન્ડિયાના બોલરોનું ખતરનાક પ્રદર્શન રહ્યુ છે. શિવાસિંહે શાનદાર બોલીંગ કરતાં ૨ વિકેટ લીધી હતી. તેણે નાથન અને વિલસુથરલેન્ડને પેવેલિયન ભેગા કરી દીધા હતા. કાંગારૂની ટીમમાંથી એક જ માત્ર મેરલોએ ૭૬ રન બનાવ્યા હતા. 

ટ્વીટર ઉપર શુભેચ્છાઓ

 વડાપ્રધાન નરેન્દ્ર મોદી

 બોલીવૂડના સુપરસ્ટાર અમિતાભ બચ્ચન

 માસ્ટર બ્લાસ્ટર સચિન તેંડુલકર

 ગુજરાતના મુખ્યમંત્રી વિજયભાઈ રૂપાણી