Gujarati News

નવીદિલ્હીઃ ભારતીય સેનાનો બદલાયેલ કોમ્બેટ યૂનિફોર્મનો પ્રથમ લુક ૧૫ જાન્યુઆરીના આર્મી ડે પરેડમાં દેખાડવામાં આવશે. આ નવો યૂનિફોર્મ ડિઝીટલ પેટર્ન પર છે.

સૂત્રો અનુસાર, યૂનિફોર્મનો કૈમોફ્લામ (એવો રંગ અને પેટર્ન, જે એકદમ નજરમાં ન આવે અને છૂપવામાં મદદ મળે) વધુ સારો છે. અમેરિકા સહિત અનેક દેશોની સેના ડિઝીટલ પેટર્નનો ઉપયોગ કરે છે. સેનાના એક અધિકારીએ જણાવ્યું કે, આ નવા યૂનિફોર્મથી કામ કરવામાં સરળતારહેશે. આ વખતે ગણતંત્ર દિવસ પરેડમાં પણ એક ટૂકડી આ યૂનિફોર્મમાં હશે. અત્યાર સુધી આર્મીની ર્માચિંગ ટૂકડી અલગ-અલગ રેજિમેંટના હિસાબે વહેંચાઈ રહ્યા હતા. પ્રથમ વખત તે અલગ અલગ પ્રકારના યૂનિફોર્મના હિસાબે હશે. તેમાં આઝાદી પહેલાના યૂનિફોર્મ ૧૯૬૨, ૧૯૭૧, ૧૯૯૦ અને હાલનો યૂનિફોર્મ સામેલ છે.