Gujarati News

Gujarati News

News of Wednesday, 2nd December 2020

ચીન ફરી એકવાર ચંદ્ર પર પહોંચ્યું: સફળતાપૂર્વક ઉતાર્યું અંતરિક્ષયાન

ચાંગ ઇ-૫ અંતરિક્ષ યાનનો ઉદ્દેશ્ય પહેલાથી અસ્પષ્ટીકૃત ક્ષેત્રથી ચંદ્રના ખડક અને ધૂળના ૪ પાઉન્ડને એકત્ર કરવાનો છે

બીજિંગ,તા.૨: ચીનએ અંતરિક્ષમાં ફરી એકવાર મોટી સફળતા મેળવી છે. ચીને મંગળવારે અંતરિક્ષયાન ચાંગ ઈ-૫ને સફળતાપૂર્વક ચંદ્રની સપાટી પર ઉતાર્યું છે. ચંદ્રની સપાટી પર ચાંગ ઈ-૫ના ઉતાર્યા બાદ ચીનની નેશનલ સ્પેસ એડમિનિસ્ટ્રેશને કહ્યું કે, આ અંતરિક્ષયાન ચંદ્રની સપાટી પર પૂર્વ નિર્ધારિત સ્થળની બિલકુલ પાસે ઉતર્યું છે. આ યાન ચંદ્રની સપાટીથી નમૂનાઓને એકત્ર કરશે.

ચીનના ઈતિહાસમાં આવું પહેલીવાર થયું છે કે ચંદ્રના નમૂનાઓને એકત્ર કરવા માટે ચાંગ ઈ-૫ નામના મિશનના માધ્યમથી સપાટી પર એક રોબોટને ઉતારવામાં આવ્યો હોય. તે ચંદ્રના નમૂનાઓને એકત્ર કરશે અને પૃથ્વી પર પરત ફરશે.

સ્પેસ એડમિનિસ્ટ્રેશન તરફથી કહેવામાં આવ્યું છે કે ચાંગ ઇ-૫ અંતરિક્ષ યાનનો ઉદ્દેશ્ય પહેલાથી અસ્પષ્ટીકૃત ક્ષેત્રથી ચંદ્રના ખડક અને ધૂળના ૪ પાઉન્ડને એકત્ર કરવાનો છે. એવું કહેવામાં આવી રહ્યું છે કે આ નમૂનાઓ દ્વારા ચંદ્રની અગાઉની જવાળામુખી ગતિવિધિઓ વિશે નવી જાણકારી મળી શકે છે. ચીનનું આ મિશન સફળ થાય છે તો તે અમેરિકા અને સોવિયત સંઘ બાદ મૂન – રોકના નમૂનાઓને પૃથ્વી પર લાવનારો ત્રીજો દેશ બની જશે.

સ્પેસ એડમિનિસ્ટ્રેશન તરફથી કહેવામાં આવ્યું છે કે ચાંગ ઈ-૫ અંતરિક્ષ યાનનો ઉદ્દેશ્ય પહેલાથી અસ્પષ્ટીકૃત ક્ષેત્રથી ચંદ્રના ખડક અને ધૂળના ૪ પાઉન્ડને એકત્ર કરવાનું છે. આ એક જવાળામુખીય મેદાન છે જેને મોન્સ રૂમર કહેવામાં આવે છે. એવું કહેવામાં આવી રહ્યું છે કે આ નમૂનાઓ દ્વારા ચંદ્રની અગાઉની જવાળામુખીય ગતિવિધિઓ વિશે જાણકારી મળી શકે છે.

આ યાનને ચંદ્રની સપાટી પર પહોંચવા માટે ચીનના શકિતશાળી લોંગ માર્ચ-૫ રોકેટનો ઉપયોગ કરવામાં આવ્યો છે. આ રોકેટ તરલ કેરોસિન અને તરલ ઓકિસજનની મદદથી ચાલે છે. આ મિશન દ્વારા ચીન ચંદ્ર વિશે જાણકારી વધારશે અને ત્યાં માનવ વસાહતો ઊભી કરવામાં મદદ મળશે.

(9:40 am IST)
  • મધ્ય પ્રદેશમાં વારંવાર બીમારી સબબ રજા ઉપર ઉતરી જતા સરકારી કર્મચારીઓને ઘરભેગા કરી દેવાશે : કોન્ફિડેન્શિઅલ રિપોર્ટ તથા કામગીરી ,વર્તન , બીમારી , સહિતના મંગાવાઈ રહેલા ડેટા : શિવરાજ સરકાર આકરા પાણીએ : અંદરખાને સરકારી તિજોરી ઉપર વધી રહેલા બોજનું કારણ હોવાની ચર્ચા access_time 6:03 pm IST

  • એસપી દેવભૂમિ દ્વારકાનો ચાર્જ અચાનક વિશાલ કુમાર વાઘેલા ( એસપી આઈબી ગાંધીનગર ) ને સોંપાયો છે access_time 11:26 pm IST

  • ગુજરાત સચિવાલયના નાણાં વિભાગના સેક્રેટરી આઈએએસ મિલિન્દ તોરવણેને ગુજરાત અલ્કલાઈન્સ અને કેમિકલ લી ,ના મેનેજીંગ ડિરેક્ટર તરીકેનો વધારો હવાલો સોંપાયો access_time 11:37 pm IST