Gujarati News

Gujarati News

News of Wednesday, 2nd December 2020

મંત્રીના ભાણિયાની ઓળખ આપી છેતરવા જતાં ઝડપાયો

હોટલ ખરીદવા માગતો હોવાની ગુલબાંગ મારી હતી :ધારાસભ્યના પુત્ર સાથે શોપિંગ બાદ બિલ ચુકવવાનું કહેતાં અમિત શાહના ભાણિયાની ઓળખ આપનારનો ભાંડો ફુટ્યો

આગરા, તા. ૧ : ગૃહમંત્રી અમિત શાહનો ભાણિયો બનીને આગરા પહોંચેલા છેતરપિંડી કરનારને પોલીસે દબોચીને જેલના સળિયા પાછળ પહોંચાડી દીધો છે. પોલીસની ધરપકડમાં શાતિર મગજ ધરાવતા શખ્સનું નામ વિરાજ શાહ છે. પોતાને ગૃહમંત્રી અમિત શાહનો ભાણિયો બતાવીને વિરાજ શાહ ભાજપના ધારાસભ્ય યોગેન્દ્ર ઉપાધ્યાયને ઘરે છેતરપિંડી કરવાના ઇરાદે આગરા પહોંચી ગયો હતો.

ધારાસભ્યના ઘરે પહોંચીને વિરાજ શાહે કહ્યું કે તેઓ એક હોટલ ખરીદવા માગે છે. પછી ધારાસભ્યના દીકરાની સાથે બજારમાં ગયા અને અંદાજે ૪૦ હજાર રૂપિયાનું શોપિંગ કરી નાંખ્યું.

શાતિર વિરાજ શાહે શોપિંગનું બિલ ધારાસભ્યના દીકરાને ભરવા માટે કહ્યું. અહીંથી મામલો બગડયો અને પોલ ખુલી ગઇ. આરોપી આની પહેલાં ૨૦૧૬માં ઉજ્જૈનના ધારાસભ્યને છેતરવાનો પ્રયાસ કરી ચૂકયો છે.

ગૂગલ પરથી માહિતી મેળવ્યા બાદ ખબર પડી કે આ યુવક છેતરપિંડી કરી રહ્યો છે. ગૃહમંત્રીને કોઇ ભાણિયો જ નથી. ધારાસભ્ય અને તેમના પરિવારે યુવકને દબોચી લીધઓ અને પોલીસને હવાલે કરી દીધો. કહેવાય છે કે આની પહેલાં પણ આ શાતિર બદમાશ કેટલાંય નેતાઓને પોતાનો શિકાર બનાવી ચૂકયો છે.

નાઇના મંડી પોલીસ સ્ટેશને આરોપી યુવકની વિરૂદ્ધ છેતરપિંડીનો કેસ નોંધી લીધો છે. એસપી સિટી એ આ કેસની માહિતી આપતા કહ્યું કે આરોપીની ધરપકડ કરી લેવાઇ છે. આરોપી યુવક અગાઉ પણ આવી છેતરપિંડીઓ કરી ચૂકયું છે. આરોપીની વિરૂદ્ધ કાયદાકીય કાર્યવાહી કરાશે.

(12:00 am IST)
  • એસપી દેવભૂમિ દ્વારકાનો ચાર્જ અચાનક વિશાલ કુમાર વાઘેલા ( એસપી આઈબી ગાંધીનગર ) ને સોંપાયો છે access_time 11:26 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10-30 વાગ્યા સુધીમાં કોરોનાના નવા 32,407 કેસ નોંધાયા:કુલ કેસની સંખ્યા 94,95,661 થઇ :એક્ટીવ કેસ 4,28,390 થયા : વધુ 38,355 દર્દીઓ સ્વસ્થ થતા કુલ 89,26,950 રિકવર થયા :વધુ 431 લોકોના મોત સાથે કુલ મૃત્યુઆંક 1,38,090 થયો access_time 12:15 am IST

  • ઉત્તર ભારત માં એક રોડ અકસ્માતમાં ભારતીય લશ્કરના ચાર જવાનોના મૃત્યુ થયાનું જાણવા મળે છે access_time 12:05 am IST