Gujarati News

Gujarati News

News of Sunday, 2nd August 2020

ચિનાબ નદી પર નિર્માણાધીન બ્રિજ ૨૦૨૨ સુધી પૂર્ણ થશે

બ્રિજ દુનિયાનો સૌથી ઊંચો રેલવે બ્રિજ બનશે : ૧૧૧ કિમીના કતરા-બનિહાલ સેક્શનનું કામ ચાલે છે

નવી દિલ્હી, તા. ૨ : જમ્મુ-કાશ્મીરને ભારત સાથે જોડતો દુનિયાનો સૌથી ઊંચો રેલવે બ્રિજ ૨૦૨૨ સુધીમાં તૈયાર થઈ જશે. રવિવારે અધિકારીઓએ આ માહિતી આપી. આ બ્રિજ ચિનાબ નદી પર બની રહ્યો છે અને તે કાશ્મીર વેલીને ભારતના અન્ય ભાગો સાથે જોડશે. લગભગ ૧૧૦૦ કરોડ રૂપિયાની કિંમતે બની રહેલા અર્ધચંદ્ર આકારનો આ બ્રિજ બનાવવામાં ૨૪,૦૦૦ ટન લોખંડનો ઉપયોગ કરાયો છે. આ બ્રિજનું કામ પુરું થયા બાદ બેઈપેન નદી પર બનેલા ચીનના સુઈબાઈ રેલવ બ્રિજ (૨૭૫ મીટર)નો રેકોર્ડ તોડશે. ૧.૩૧ કિમી લાંબા આ બ્રિજનું હાલમાં છેલ્લા ૧૧૧ કિમીના કતરા-બનિહાલ સેક્શનનું કામ ચાલી રહ્યું છે. લગભગ ૧૧૦૦ કરોડ રૂપિયાની કિંમતે બની રહેલા અર્ધચંદ્ર આકારનો આ બ્રિજ બનાવવામાં ૨૪૦૦૦ ટન લોખંડનો ઉપયોગ કરાયો છે. આ બ્રિજનું કામ પુરું થયા બાદ બેઈપેન નદી પર બનેલા ચીનના સુઈબાઈ રેલવ બ્રિજ (૨૭૫ મીટર)નો રેકોર્ડ તોડશે. આ ૩૫૯ મીટર ઊંચા આ બ્રિજ પર ૪૬૭ મીટરની સેન્ટ્રલ સ્પાન હશે. આ બ્રિજ કુતુબ મિનાર (૭૨ મીટર) અને એફિલ ટાવર (૩૨૪ મીટર)થી પણ ઊંચો છે. સરકારના એક સીનિયર અધિકારીએ જણાવ્યું કે, 'આ દુનિયાનો સૌથી ઊંચો રેલવ બ્રિજ છે, જે ૨૬૬ કિમી/કલાકની ઝડપે પવન ફુંકાય તો તેનો પણ સામનો કરી શકે છે.' કેન્દ્ર સરકારની સીધી દેખરેખ હેઠળ આ બ્રિજનું બાંધકામ છેલ્લા એક વર્ષથી ચાલી રહ્યું હોવાનું અધિકારીએ જણાવ્યું હતું. યોજના મુજબ ડિસેમ્બર ૨૦૨૨ સુધીમાં કાશ્મીર ટ્રેનથી કનેક્ટ થઈ જશે. ઉધમપુર-કતરા (૨૫ કિમી) સેક્શન, બનિહાલ-કાઝીગંડ (૧૮ કિમી) સેક્શન અને કાઝીગંડ-બારામુલા (૧૧૮ કિમી) સેક્શનનું કામ પુરું થઈ ગયું છે. છેલ્લા બાકી રહેલા ૧૧૧ કિમીના કતરા-બનિહાલ સેક્શનનું કામ હાલ ચાલી રહ્યું છે. તે ડિસેમ્બર ૨૦૧૧૧ સુધીમાં પુરું કરવાનો ટાર્ગેટ છે. આ સેક્શનની ૧૭૪ કિમી લાંબી ટનલમાંથી ૧૨૬ કિમીનું કામ પુરું થઈ ચૂક્યું છે. ૭ નવેમ્બર, ૨૦૧૫એ જાહેર કરાયેલા રૂ. ૮૦,૦૬૮ કરોડના પ્રાઈમ મિનિસ્ટર્સ ડેવલોપમેન્ટ પેકેજ અંતર્ગત છેલ્લા એક વર્ષમાં ઘણા કામો શરૂ કરાયા છે.

(8:02 pm IST)
  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST

  • આજે બપોરે ૩-૦૦ વાગ્યે સુરતમાં મુખ્યમંત્રીની બેઠક સિવિલ હોસ્પિટલની કોવિડ હોસ્પિટલની મુલાકાત લઇ કલેકટર સાથે બેઠક યોજાશે શહેર-જિલ્લાની સારવારની સ્થિતિની સમીક્ષા કરશે access_time 2:30 pm IST

  • દેવભૂમિ દ્વારકા જિલ્લાના પોલીસ વડા રોહન આનંદની બદલી,:નવા DSP તરીકે 2010 બેચના સુનીલ જોશીની નિમણુક access_time 12:53 am IST