Gujarati News

Gujarati News

News of Sunday, 2nd August 2020

કેનેડામાં ચીન સામે વિરોધનો વંટોળ જયારે વડાપ્રધાન નરેન્દ્રભાઇ મોદીની કાર્યશૈલીને ભરપેટ વખાણાઇ

ચીનના અત્યાચારોની વિરૂદ્ધ આંતરરાષ્ટ્રીય સમુદાયમાંથી અવાજ ઉઠાવાની અપીલ કરતાં કેનેડાની રાજધાની ટોરેન્ટોમાં રહેતા ભારત, તાઇવાન, તિબેટ અને વિયેતનામના લોકો રસ્તા પર ઉતર્યા. અમેરિકા, તિબેટ અને ભારતના ઝંડાને લઇ પ્રદર્શન કરી રહેલા લોકોએ ભારત અને વડાપ્રધાન નરેન્દ્ર મોદીના સમર્થનમાં સૂત્રોચ્ચાર પણ કર્યો અને ચીનની સરકારની વિરૂદ્ધ પ્રદર્શન કર્યું.

વિરોધ પ્રદર્શન દરમ્યાન આ લોકોએ ચીનના શિનજિયાંગ પ્રાંતમાં ઉઇગર સમુદાય પર કરાયેલા અત્યાચારોનો મુદ્દો ઉઠાવ્યો અને તેમની પાસે જબરદસ્તી મજૂરી કરાવતા રોકવાની માંગણી કરી. તો રાષ્ટ્રીય સુરક્ષા કાયદાને લઇ હોંગકોંગ પર કંટ્રોલ કરવાનો આરોપ પણ મૂકયો. આ દરમ્યાન લોકોએ તાઇવાન, હોંગકોંગ, વિયેતનામ અને ભારતની સાથે સમર્થન વ્યકત કર્યું અને કહ્યું કે જે દેશ ચીનની વિરૂદ્ધ ઉભો છે અમે તેનું સમર્થન કરીએ છીએ.

તો ભારતના પીએમ મોદીના વખાણ કર્યા. એક પ્રદર્શનકારીએ કહ્યું કે ભારત સૌથી મહાન લોકતંત્ર છે અને પીએમ મોદીને ચીનની વિરૂદ્ધ લડવાની મિસાલ રજૂ કરવા માટે ધન્યવાદ આપવા જોઇએ. આપને જણાવી દઇએ કે તાઇવાન અને વિયેતનામની સાથે દક્ષિણ ચીન સાગરમાં દાવાને લઇ ચીનનો વિવાદ છે તેના લીધે તેઓ પોતાનું શક્તિ પ્રદર્શન કરતા રહે છે.

(1:33 pm IST)
  • સુરત પાલિકા કચેરી ખાતે હજારો લોકો ભુખ હડતાલ પર કતાર ગામ ગોટાવાડીના ટેનામેન્ટના રીડેવલમેન્ટ પ્રશ્ને વિવાદ સર્જાયો access_time 12:46 pm IST

  • દેવભૂમિ દ્વારકા જિલ્લાના પોલીસ વડા રોહન આનંદની બદલી,:નવા DSP તરીકે 2010 બેચના સુનીલ જોશીની નિમણુક access_time 12:53 am IST

  • આજે એક પછી એક મહાનુભાવો કોરોના પોઝિટિવના સાણસામાં સપડાતા જાય છે ,ગૃહમંત્રી અમિતભાઇ શાહનો કોરોના રિપોર્ટ પોઝિટિવ આવ્યો છે,તોઉત્તર પ્રદેશના કેબિનેટ મંત્રી કમલા રાણીનું કોરોનમાં આજે મૃત્યુ નીપજ્યું છે,હવે મળતા અહેવાલ મુજબ તામિલનાડુના ગવર્નર બનવારીલાલ પુરોહિત અને ઉ,પી,ના પ્રદેશ બીજેપી અધ્યક્ષ સ્વતંત્રદેવ સિંહને પણ કોરોના પોઝિટિવ આવ્યો છે access_time 6:20 pm IST