Gujarati News

Gujarati News

News of Sunday, 2nd August 2020

મધ્યપ્રદેશ સરકારે સરકારી કર્મચારીઓને જીન્સ-ટીશર્ટ પહેરવા પર લગાવ્યો પ્રતિબંધ

કર્મચારીઓને ફોર્મલ કપડાજ પહેરવા આદેશ : નહિ તો કડક કાર્યવાહીનો પણ નિર્દેશ

નવી દિલ્હી : મધ્યપ્રદેશની શિવરાજ સરકારે સરકારી કર્મચારીઓ અને અધિકારીઓ અંગે એક ફરમાન જાહેર કર્યું છે. ફરમાન છે કે હવેથી કોઈપણ સરકારી કર્મચારીઓ અને અધિકારીઓ જીન્શ કે ટીશર્ટ નહીં પહેરી શકે. શિવરાજસિંહ ચૌહાણે જીન્શ-ટીશર્ટ પહેરીને ઓફિસમાં પ્રવેશ પર પ્રતિબંધ લગાવી દીધો છે અને તમામ કર્મચારીઓને ઓફિસ સમયમાં ફોર્મલ કપડા પહેરવા આદેશ આપ્યો છે. સાથે તેઓએ કહ્યું છે કે જો કોઈ નિર્ણયનું ઉલ્લંઘન કરશે તો તેમના વિરુદ્ધ કડક કાર્યવાહી કરવામાં આવશે.

મળતી માહિતી અનુસાર 20 જુલાઈએ મુખ્યમંત્રીની અધ્યક્ષતામાં વર્ચુઅલ બેઠક થઈ હતી. બેઠકમાં મંદસૌર જિલ્લાના વન અધિકારી ટીશર્ટ પહેરીને બેઠા હતા. જે મામલે મુખ્યમંત્રી અને સચિવ નારાજ થયા હતા. તેમને બેઠક દરમિયાન કહી દીધું કે તમામ અધિકારી અને કર્મચારીઓ ફોર્મલ કપડાં પહેરે. જો કોઈ નિયમનું પાલન નહીં કરે તો તેમની વિરુદ્ધ કાર્યવાહી કરાશે.

મુખ્યમંત્રી અને મુખ્ય સચિવની નારાજગી બાદ ગ્વાલિયરના સંભાગાયુક્ત એમબીઓઝાએ પોતાના શહેરમાં દરેક કર્મચારીઓને નિયમનો અમલ કરવા કહ્યું છે. તેઓએ કલેક્ટર અને અધિકારીઓને નિર્દેશ આપ્યા છે અને ગરિમાપૂર્ણ શાલીન વસ્ત્રો સાથે ઓફિસ આવવાની સૂચના આપી છે. તેઓએ પણ કહ્યું હતું કે જો કોઈ નિયમનો ભંગ કરશે તો તેમની સામે દંડાત્મક કાર્યવાહી કરાશે.

પાંચ વર્ષ પહેલાં હાઈકોર્ટ જબલપુર મુખ્યપીઠ, ગ્વાલિયર અને ઇન્દોરના દરેક કોર્ડર અધિકારી, કર્મચારીઓ અને ન્યાયાલયની ગરિમાને અનુરૂપ કપડાં પહેરીને આવે તેવા આદેશ આપ્યા હતા. ભડકીલા રંગના જીન્સ અને ટી શર્ટ પહેરીને આવવાની પાબંધી મૂકાઈ હતી.

(12:17 pm IST)
  • જામ ખંભાળિયાના સલાયામાં કોરોના વિસ્ફોટ : એકસાથે 13 પોઝિટિવ કેસ આવતા હાહાકાર : એક જ વિસ્તારમાં રહેતા 13 લોકો કોરોના સંક્રમિત : મોટાભાગના એક પરિવારના લોકો ઝપટે: આરોગ્ય તંત્રમાં દોડધામ access_time 6:12 pm IST

  • ગુજરાતના વધુ એક સંતને ભૂમિપૂજન માટે આમંત્રણ: 5 મી ઓગસ્ટના અયોધ્યા રામ જન્મ ભૂમિ શિલાન્યાસ પૂજનના કાર્યક્રમ માટે સુપ્રસિદ્ધ નડિયાદના સંતરામ મંદિરના મહંતશ્રી પૂજ્ય રામદાસ મહારાજશ્રીને શિલાન્યાસ પૂજન માટે આમંત્રણ અપાયું access_time 9:44 pm IST

  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST