Gujarati News

Gujarati News

News of Sunday, 2nd August 2020

નેપાળ પ્રશ્ને ચીનની વધુ એક ખંધી ચાલ ખેલાઇ

વર્ષો જુના પ્રોજેકટ માટે વિવાદ કર્યો રેલ્વે લાઇન બદલવાનો રૂ. રરપ૦ કરોડના પ્રોજેકટ છે.

નવી દિલ્હી : લદ્દાખમાં LAC પર ભારત અને ચીની સેનાની વચ્ચે કેટલાંક ભાગમાં હજુ પણ તણાવ છે. તેની અસર બંને દેશના સંબંધ પર પણ પડી રહી છે. એવામાં ભારતને દબાણમાં લાવવા માટે ચીને લ્હાસાથી નેપાળના કાઠમંડુ સુધી 2250 કરોડ રૂપિયાના ખર્ચે રેલવે લાઇન બનાવાની તૈયારી શરૂ કરી દીધી છે.

રેલવે લાઇનની આગળ ભારત-નેપાળ સરહદની નજીક હાજર લુમ્બિનીથી પણ જોડાશે. ચીનની ડેવલપમેન્ટવાળી યુદ્ધનીતિ છે. સમજૂતી વર્ષોથી ઠંડી પડેલી હતી પરંતુ જ્યારે ચીન અને ભારતની વચ્ચે LAC પર તણાવ વધ્યો તો હવે વર્ષોથી બંધ પ્રોજેક્ટને ચીને તરત શરૂ કરી દીધો. ચીનની ટીમ હવે તિબેટથી કાઠમંડૂ સુધી રેલવે પ્રોજેક્ટના કામમાં લાગી ગઇ છે. તેની તસવીરો પણ ચીની મીડિયામાં ટ્રેન્ડ કરી રહી છે.

નેપાળના વડાપ્રધાન કેપી શર્મા ઓલીનો ચીન પ્રેમ જગ જાહેર છે. ચીન ઓલીની ખુરશી બચાવે છે અને બદાલમાં ઓલી ચીનના ઇશારાઓ પર નિર્ણય લે છે. ઓલી નેપાળમાં ભારત વિરોધી માહોલ બનાવા માટે પૂરું જોર લગાવી રહ્યું છે. બોર્ડર પર તણાવના માહોલમાં ચીને નેપાળ સુધી રેલવે લાઇન પાથરવાનું કામ શરૂ કરી દીધું છે.

ચીને લ્હાસાને કાઠમંડુથી જોડવા માટે એક દાયકા જૂના રેલવે પ્રોજેક્ટ પર કામ શરૂ કર્યું છે. રેલવે લાઇન તિબેટના લ્હાસાથી શિગાત્સે થઇને પહોંચશે અને પછી રસવા ગાધી થતા નેપાળમાં દાખલ થશે અને કાઠમંડુ સુધી જશે. લ્હાસાથી શિગાત્સે સુધીનું કામ ખત્મ થઇ ગયું છે જ્યારે શિગાત્સેથી કેરૂંગ સુધીનું કામ શરૂ થઇ ગયું છે. તો નેપાળવાળા ભાગમાં પ્રોજેક્ટ પર ચીન સર્વેનું કામ કરી રહી છે.

ચીની મીડિયાએ રેલવે પ્રોજેક્ટના સર્વેની તસવીરો જાહેર કરી છે. તસવીરોમાં એક ટીમ કોરિડોર સાઇટની તપાસ કરતી દેખાય છે. એવા સમયમાં જ્યારે નેપાળ અને ભારતની વચ્ચે સરહદ તણાવ ચાલી રહ્યો છે ચીન પોતાના પ્રોજેક્ટસ દ્વારા નેપાળમાં પોતાની પકડ મજબૂત કરવાની કોશિષ કરી રહ્યું છે. રેલવે લાઇન માટે 300 મિલિયન અમેરિકન ડોલર એટલે કે 2250 કરોડ રૂપિયા ખર્ચ થઇ રહ્યો છે.

પ્રોજેક્ટથી બે ખતરા એક સામરિક ખતરો અને બીજો આર્થિક ખતરો છે. ચીનનો માલ ભારતના દરવાજા સુધી પહોંચાડવો ખૂબ સરળ થઇ જશે અને નવા રંગ રૂપ આપીને ભારતમાં ડમ્પ પણ કરી શકે છે.

(1:47 pm IST)
  • આજે બપોરે ૩-૦૦ વાગ્યે સુરતમાં મુખ્યમંત્રીની બેઠક સિવિલ હોસ્પિટલની કોવિડ હોસ્પિટલની મુલાકાત લઇ કલેકટર સાથે બેઠક યોજાશે શહેર-જિલ્લાની સારવારની સ્થિતિની સમીક્ષા કરશે access_time 2:30 pm IST

  • દેશમાં કોરોના કેસનો આંકડો 18 લાખને પાર પહોંચ્યો : રાત્રે 10 વાગ્યે દેશમાં કોરોનાના કુલ કેસની સંખ્યા 18.04,258 થઇ : વધુ 753 લોકોના મોત સાથે મૃત્યુઆંક 38.158 થયો : રાત્રે 10 વાગ્યા સુધીમાં નવા 52,087 કેસ નોંધાયા અને વધુ 39,966 દર્દીઓ રિકવર થયા access_time 10:19 pm IST

  • દેશમાં કોરોનાના કહેર વચ્ચે અત્યાર સુધીમાં સૌથી વધુ એક જ દિવસમાં રેકોર્ડબ્રેક 51232 દર્દીઓ રિકવર થયા :મહારાષ્ટ્રમાં નવા કેસ કરતા સ્વસ્થ થનાર દર્દીની સંખ્યા વધુ : દેશમાં કોરોનાના સૌથી વધુ કેસ ધરાવતા મહારાષ્ટ્રમાં નવા 8601 કેસ નોંધાયા જયારે 10,725 દર્દીઓ સાજા થયા: તામિલનાડુમાં નવા 5879 કેસ સામે 7010 દર્દીઓ સાજા થયા અને આંધ્રપ્રદેશમાં નવા 9276 કેસ સામે 12,750 લોકોએ કોરોના સામે જંગ જીત્યો access_time 11:34 pm IST