Gujarati News

Gujarati News

News of Saturday, 1st August 2020

વિશ્વમાં કોરોના કુલ કેસ ૧.૭૭ કરોડને પાર

બ્રાઝીલમાં ૨૪ કલાકમાં ૫૨ હજારથી વધુ કેસ નોંધાયા : પેરૂમાં ૩૧ ઓગસ્ટ સુધી ઇમરજન્સી

વોશિંગ્ટન તા. ૧ : વિશ્વમાં ૧.૭૭ કરોડથી વધુ લોકો કોરોનાથી સંક્રમિત થયા છે. તેમજ ૧૧,૧૬૧,૫૨૦ લોકો સ્વસ્થ થયા છે અને ૬,૮૨,૯૯૯ના મોત થયા છે. યુકેના વડાપ્રધાન બોરિસ જોનસને કહ્યું કે, દેશમાં હાલમાં પ્રતિબંધોમાં રાહત આપવામાં આવશે નહિ. યુ.કે.માં કેટલાક ભાગોમાં નવા કેસ સામે આવ્યા બાદ આ નિર્ણય કરવામાં આવ્યો છે. જોકે કેટલાક યુરોપીય દેશોમાં તેના આંકડા સતત વધી રહ્યા છે. પેરૂની સરકારે પણ ઇમરજન્સીને જોઇને ૩૧ ઓગસ્ટ સુધી લોકડાઉન જાહેર કર્યું છે.

બ્રાઝીલમાં ૨૪ કલાકમાં ૫૩,૩૮૩ નવા કેસ સામે આવ્યા છે. તેની સાથે સંક્રમિતોની સંખ્યા વધીને ૨૬,૬૬,૨૯૮એ પહોંચી છે તેમજ મૃત્યુઆંક ૯૨,૫૬૮એ પહોંચ્યો છે.

આર્જેટીના સરકારે ૧૬ ઓગષ્ટ સુધી લોકડાઉન કરવાનો નિર્ણય કર્યો છે. ચીનમાં પણ ૨૪ કલાકમાં ૪૫ નવા કેસ આવ્યા છે.

(2:50 pm IST)
  • દેશમાં કોરોનાના કહેર વચ્ચે અત્યાર સુધીમાં સૌથી વધુ એક જ દિવસમાં રેકોર્ડબ્રેક 51232 દર્દીઓ રિકવર થયા :મહારાષ્ટ્રમાં નવા કેસ કરતા સ્વસ્થ થનાર દર્દીની સંખ્યા વધુ : દેશમાં કોરોનાના સૌથી વધુ કેસ ધરાવતા મહારાષ્ટ્રમાં નવા 8601 કેસ નોંધાયા જયારે 10,725 દર્દીઓ સાજા થયા: તામિલનાડુમાં નવા 5879 કેસ સામે 7010 દર્દીઓ સાજા થયા અને આંધ્રપ્રદેશમાં નવા 9276 કેસ સામે 12,750 લોકોએ કોરોના સામે જંગ જીત્યો access_time 11:34 pm IST

  • અયોધ્યામાં રામમંદિરના નિર્માણ સાથે રેલવે સ્ટેશનની પણ કાયાપલટની કરાશે : 104.77 કરોડ રૂપિયાના ખર્ચે અદ્યતન સુવિધાઓ સાથેના રેલવે સ્ટેશનની નવી ડિઝાઇન તૈયાર : ટિકિટ માટેના કાઉન્ટરની સંખ્યા વધશે : 3 એર કન્ડિશન્ડ વેઇટિંગ રૂમ ,17 બેડ સાથેની પુરુષો માટેની તથા 10 બેડ સાથેની મહિલાઓ માટેની ડોર્મેટરી : ફૂટ ઓવર બ્રિજ , ટેક્સી બુથ,વી.આઇ.પી.લોન્જ , ફૂડ પ્લાઝા સ્ટોલ્સ ,સહીત અનેક સુવિધાઓ સાથે યાત્રિકોની સગવડમાં વધારો કરાશે access_time 8:47 pm IST

  • ભારે ઉકળાટ અને ગરમી બાદ નખત્રાણા તાલુકામાં વરસાદી ઝાપટાં:વિરાણી, દેવીસર વિસ્તારના વરસાદ : નખત્રાણા શહેર પણ વરસાદી ઝાપટાં access_time 6:24 pm IST