Gujarati News

Gujarati News

News of Saturday, 1st August 2020

BOM - યુકો બેંક - પંજાબ & સિંધનું ખાનગીકરણ કરવા ભલામણ

નીતિ આયોગે સરકારને જાહેર ક્ષેત્રની ત્રણ બેંકોનું ખાનગીકરણ કરવા ભલામણ કરી : તમામ ગ્રામિણ બેંકોના મર્જરની પણ સરકારને સલાહ આપી : NBFCને વધુ છૂટ આપવા પણ કહ્યું

નવી દિલ્હી તા. ૧ : નીતિ આયોગે સરકારને સૂચન કર્યું છે કે તે જાહેર ક્ષેત્રની ૩ બેંકોનું ખાનગીકરણ કરી દયે. આ બેંક છે પંજાબ એન્ડ સિંધ બેંક, યુકો બેંક અને બેંક ઓફ મહારાષ્ટ્ર. આ સૂચનોમાં તમામ ગ્રામિણ બેંકોના મર્જરનું પણ સૂચન કરવામાં આવ્યું છે. સાથોસાથ એનબીએફસીને વધુ છૂટ આપવા પણ જણાવ્યું છે.

આ સપ્તાહના પ્રારંભે એ બાબતના સમાચારો આવ્યા હતા કે સરકાર નુકસાનીમાં ચાલતા ઇન્ડિયા પોસ્ટને ગ્રામિણ બેંકો સાથે વિલય કરી શકે છે તે પછી એક નવી જાહેર ક્ષેત્રની બેંક બનશે જે નુકસાનને માત આપશે. ભારત સરકાર પોતાની અડધાથી વધુ જાહેર ક્ષેત્રની બેંકોનું ખાનગીકરણ કરવાની યોજના બનાવે છે. સરકાર આની સંખ્યા ઘટાડી પાંચ કરવા જઇ રહી છે.

ખાનગીકરણની શરૂઆત બેંક ઓફ ઇન્ડિયા, સેન્ટ્રલ બેંક, આઇઓબી, યુકો બેંક, બેંક ઓફ મહારાષ્ટ્ર અને પંજાબ એન્ડ સિંધ બેંકના શેર વેચવાથી થઇ શકે છે.

દરમિયાન બુધવારે પીએમ મોદીએ બેંકો અને એનબીએફસીના વડાઓ સાથે બેઠક યોજી હતી અને બેન્કીંગ સેકટરને પાટા પર લાવવાના ઉપાયો ઉપર ચર્ચા કરી હતી.

પંજાબ એન્ડ સિંધ, યુકો બેંક અને બેંક ઓફ મહારાષ્ટ્રના ખાનગીકરણ માટે બેંકીંગ કંપનીઝ એકટ ૧૭૦માં ફેરફાર કરવો પડશે.

(10:30 am IST)
  • અયોધ્યામાં રામમંદિરના નિર્માણ સાથે રેલવે સ્ટેશનની પણ કાયાપલટની કરાશે : 104.77 કરોડ રૂપિયાના ખર્ચે અદ્યતન સુવિધાઓ સાથેના રેલવે સ્ટેશનની નવી ડિઝાઇન તૈયાર : ટિકિટ માટેના કાઉન્ટરની સંખ્યા વધશે : 3 એર કન્ડિશન્ડ વેઇટિંગ રૂમ ,17 બેડ સાથેની પુરુષો માટેની તથા 10 બેડ સાથેની મહિલાઓ માટેની ડોર્મેટરી : ફૂટ ઓવર બ્રિજ , ટેક્સી બુથ,વી.આઇ.પી.લોન્જ , ફૂડ પ્લાઝા સ્ટોલ્સ ,સહીત અનેક સુવિધાઓ સાથે યાત્રિકોની સગવડમાં વધારો કરાશે access_time 8:47 pm IST

  • ટીક-ટોક એપ મામલે ચીન ચારે બાજુથી ઘેરાયું : હવે ઓસ્ટ્રેલિયા પણ પ્રતિબંધ મુકવાની તૈયારીમાં : જાપાનમાં પણ તપાસ ચાલુ : ભારતમાં ચીનની 106 એપ ઉપર પ્રતિબંધ મુકાઈ ગયેલો જ છે access_time 8:26 pm IST

  • દેશમાં કોરોના કેસનો આંકડો 18 લાખને પાર પહોંચ્યો : રાત્રે 10 વાગ્યે દેશમાં કોરોનાના કુલ કેસની સંખ્યા 18.04,258 થઇ : વધુ 753 લોકોના મોત સાથે મૃત્યુઆંક 38.158 થયો : રાત્રે 10 વાગ્યા સુધીમાં નવા 52,087 કેસ નોંધાયા અને વધુ 39,966 દર્દીઓ રિકવર થયા access_time 10:19 pm IST