Gujarati News

નવી દિલ્‍હીઃ આંતરરાષ્ટ્રીય ગુરુકુલ સંમ્મેલનમાં પોતાની કળાનું પ્રદર્શન કરનાર સુબ્બારાવ પોતાની આ આગવી પ્રતિભાના કારણે હજારોની ભીડમાં સૌથી અલગ તરી આવે છે. કોમર્સમાં ગ્રેજ્યુએટ થયેલા 52 વર્ષીય સુબ્બારાવ ગંટુલ જિલ્લાના એક અલવપલ્લી ગામમાં એક પૂજારી છે. આ જ તેમનો રોજગાર છે. જ્યારે ધનુર્વિદ્યા તેમણે પિતા તરફથી વારસામાં મળી છે. જેને જીવંત રાખવા માટે તે હાલની નવી જનરેશનને આ વિદ્યા શીખડાવવા માગે છે. જે માટે તેઓ ગુરુકુલ સ્થાપિત કરવા માગે છે.

ધુનર્વિદ્યા ભારતની આ પ્રાચીનતમ સાંસ્કૃતિક ઓળખ છે જેને જીવંત રાખવાનું પોતાનું આ સ્વપ્ન પૂર્ણ કરવા તેઓ સરકાર પાસે સહાયતાની અપેક્ષા રાખી રહ્યા છે. તેમને બે દીકરીઓ છે જેમાંથી નાની છોકરીએ પણ આ વિદ્યા શીખી છે અને તે પણ વસ્તુને જોયા વગર ફક્ત શબ્દના આધારે લક્ષ્યને ભેદી શકે છે. ઉલ્લેખનીય છે કે સુબ્બારાવ ત્રણ વર્ષ પહેલા અમેરિકામાં પણ ધનુર્વિદ્યાનું પ્રદર્શન કરી ચૂક્યા છે.