Gujarati News

નવીદિલ્હીઃ અત્યાર સુધીમાં કોરોના વાયરસ અંગે માહિતી યુઝર્સને મળે અને તેને ફેલાતો રોકવા ટ્રેક પણ કરી શકાય તેવી અનેક એપ્સ વિશ્વભરમાં લોન્ચ થઈ છે. ઈઝરાયલે સૌથી વધુ ૭૦ એપ્સ લોન્ચ કરી છે. આવી જ એક એપનું કામ તે યુઝર્સના લોકેશનને ટ્રેક કરવાનું છે જે હોટ સ્પોટ પાસેથી પસાર થાય છે.

આ એપ સંક્રમણને ટ્રેક કરે છે અને યુઝરને બતાવે છે કે તે કોઈ કોરોના સંક્રમિત પાસેથી પસાર થઈ રહ્યા છે. આવી જ એક એપ વોકલ ફિંગરપ્રીન્ટ છે, જેનાથી કોરોનાની તપાસ કરી શકાય છે. એપ યુઝરના અવાજને રેકોર્ડ કરી જણાવે છે કે તેને સંક્રમણની આશંકા છે કે નહીં.

ભારત સરકાર દ્વારા પણ ''કોરોના કવચ'' એપ લોન્ચ કરવામાં આવી છે. જે પ્લે સ્ટોર પરથી ડાઉનલોડ કરી શકાય છે.