Gujarati News

નવી દિલ્હી : નાણામંત્રી અરૂણ જેટલીએ આજે સામાન્ય બજેટ રજુ કર્યું હતું તેમાં કેટલાય વર્ગની સાથે રાષ્ટ્રીય સ્વયંસેવક સંઘ પ્રેરીત મજૂર સંગઠન પણ ખુશ નથી. આરએસએસના સહયોગી સંગઠન ભારતીય મજદૂર સંઘે બજેટને નિરાશાજનક ગણાવીને શુક્રવારે દેશવ્યાપી દેખાવનું એલાન કર્યું છે.

ભારતીય મજદૂર સંદ્યનું કહેવુ છે કે સરકારે મજૂરો અને નોકરિયાત વર્ગની અવગણના કરી છે. ઈન્કમટેકસ સ્લેબમાં કોઈ ફેરફાર કરાયો નથી અને મજૂરોના હિતમાં પણ કોઈ એલાન કરાયું નથી. આંગણવાડી વર્કર્સ અને આશા વર્કર્સ માટે સરકાર તરફથી માત્ર નિરાશા જ હાથ લાગી છે. ભૂતકાળમાં ભારતીય મજદૂર સંઘે મોદી સરકારની નીતિઓની ટીકા કરી છે. ભારતીય મજદૂર સંઘે નોટબંધી અને જીએસટીને લઈને પણ કહ્યુ હતુ કે આના કારણે નાના અને મધ્યમ ઉદ્યોગોને ઘણું નુકસાન થયું છે.