Gujarati News

Gujarati News

News of Tuesday, 1st December 2020

આપણે મહાત્મા ગાંધીની પ્રતિમાઓ મૂકીએ છીએ પણ તેમના સિદ્ધાંતોનો અમલ કરીએ છીએ ખરા ? : આપણે તેમનું નામ લેવા માટે પણ લાયક નથી : તમે નવી નવી પ્રતિમાઓ મુકવાની મંજૂરી શા માટે આપો છો ? : આપણાં મનમાં જે તે મહાપુરુષ માટે આદર હોય તે પૂરતું છે : આપણે તેમના સિદ્ધાંતોનો અમલ કરીએ તે બાબત કાફી છે : દેશમાંથી આ પુતળા ક્લચર નાબૂદ કરવાની જરૂર છે મદ્રાસ હાઇકોર્ટની મૌખિક ટકોર

મદુરાઈ : મદ્રાસ હાઇકોર્ટની મદુરાઈ બ્રાન્ચે તાજેતરમાં એક પિટિશન મામલે મૌખિક ટકોર કરતા જણાવ્યું હતું કે આપણે મહાત્મા ગાંધીની પ્રતિમાઓ મૂકીએ છીએ પણ તેમના સિદ્ધાંતોનો અમલ કરીએ છીએ ખરા ? આપણે તેમનું નામ લેવા માટે પણ લાયક નથી.

નામદાર જજશ્રીએ ઉમેર્યું હતું કે તમે  નવી પ્રતિમાઓ મુકવાની મંજૂરી શા માટે આપો છો ?  આપણાં મનમાં જે તે મહાપુરુષ માટે આદર હોય તે પૂરતું છે .આપણે તેમના સિદ્ધાંતોનો અમલ કરીએ તે બાબત કાફી છે .

ખાસ કરીને રાજકીય મહાનુભાવોની પ્રતિમા ચૂંટણી જીતવા માટે મુકાતી જોવા મળે છે. તેમના સિદ્ધાંતોનો ભાગ્યે જ અમલ થતો જોવા મળે છે.પછી તેની સારસંભાળ લેવાને બદલે નુકશાન પહોંચાડતું જોવા મળે છે. ખાસ કરીને મહાત્મા ગાંધી ,તિરુવલ્લુવર ,બી. આર આંબેડકર ,સહિતના મહાપુરુષોની પ્રતિમાઓ કોઈ સમયે ખંડિત થતી જોવા મળે છે. રાજકીય આંદોલનો વખતે પ્રતિમાઓ સળગાવી દેવાતી હોવાના પણ દાખલાઓ છે. કોઈ મહાપુરુષને તેમની હયાતી પછી આવી કેદમાં પૂરવાનો શું મતલબ છે.દેશમાંથી આ પુતળા ક્લચર નાબૂદ કરવાની જરૂર છે.

જોકે અંતે નામદાર કોર્ટે નોટિસ આપવા સંમતિ આપી હતી.આગામી મુદત 14 ડિસેમ્બરના રોજ રાખવામાં આવી છે.તેવું બી.એન્ડ બી.દ્વારા જાણવા મળે છે.

(7:25 pm IST)
  • એસપી દેવભૂમિ દ્વારકાનો ચાર્જ અચાનક વિશાલ કુમાર વાઘેલા ( એસપી આઈબી ગાંધીનગર ) ને સોંપાયો છે access_time 11:26 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 11-30 વાગ્યા સુધીમાં કોરોનાના નવા 30,664 કેસ નોંધાયા : કુલ કેસની સંખ્યા 94, 62, 739 થઇ : એક્ટીવ કેસ 4,35,176 થયા : વધુ 41,427 દર્દીઓ સ્વસ્થ થતા કુલ 88,77,740 રિકવર થયા : વધુ 472 લોકોના મોત સાથે કુલ મૃત્યુઆંક 1,37, 649 થયો access_time 12:12 am IST

  • વોડાફોન - આઈડિયાઍ ફેમીલી પોસ્ટ પેઈડ પ્લાનનો ભાવ રૂ.૫૯૮માં ૫૦ રૂ.નો વધારો કરી રૂ.648 કર્યા છે access_time 5:02 pm IST