Gujarati News

દલાસઃ અમેરિકામાં દત્તક પુત્રી તરીકે લઇ જવાયેલી ભારતની અનાથ શશુ બાળકી ૩ વર્ષીય શેરીન મેથ્‍યુ ગૂમ હોવાની તેના પાલક માતા-પિતા ઇન્‍ડિયન  અમેરિકન વેલ્‍સે તથા સિની મેથ્‍યુએ ૭ ઓકટો. ૨૦૧૭ના રોજ ફરિયાદ નોંધાવી હતી. બાદમાં ૨૨ ઓકટો.ના રોજ દલાસ સ્‍થિત આ દંપતિના ઘરથી નજીક આવેલા નાલામાંથી આ બાળકીનો મૃતદેહ મળી આવ્‍યો હતો.

આ બાળકીના મૃતદેહના આધારે ડોકટરે કોર્ટમાં રજુ કરેલ અહેવાલ મુજબ શેરીનના અનેક હાડકાઓ તૂટેલા હતા તથા ઇજાગ્રસ્‍ત જોવા મળ્‍યા હતા. જો કે હજુ પોસ્‍ટ મોર્ટમ રિપોર્ટ આવવાનો બાકી છે.

શેરીનના પાલક પિતાની બાળકીને ઇજા પહોંચાડવાના આરોપસર અગાઉ ધરપકડ થઇ ચૂકી હતી. દંપતિને ગઇકાલે કોર્ટમાં રજુ કરાયેલ. મૃતક બાળકીના પાલક પિતા વેસ્‍લે ઉપરના આરોપો પૂરવાર થયે તેને આજીવન કેદની સજા થઇ શકે છે. તેવું સમાચાર સૂત્રો દ્વારા જાણાવા મળે છે.