Gujarati News

Gujarati News

News of Saturday, 1st August 2020

મુંબઈના મટકાકીંગ જીજ્ઞેશ ઠક્કર ઉર્ફે મુન્યાનું ફાયરિંગમાં મોત

અજાણ્યા શખ્સો દ્વારા કલ્યાણ સ્ટેશન પાસે ફાયરિંગ : મટકા કિંગ જીગ્નેશ ઠક્કરને 4 ગોળીઓ વાગી

મુંબઈના કલ્યાણ વિસ્તારમાં ગત રાત્રીએ મટકા કિંગ જિગ્નેશ ઠક્કર ઉર્ફે મુન્યાની હત્યા કરી દેવામાં આવી છે. અજાણ્યા શખ્સોએ કલ્યાણ સ્ટેશન પાસે ફાયરિંગ કરીને જિગ્નેશ ઠક્કરને મોતને ઘાટ ઉતારી દીધો છે

શુક્રવારે રાત્રે થયેલ ફાયરિંગમાં મટકા કિંગ જીગ્નેશ ઠક્કરને 4 ગોળીઓ વાગી હતી. ઘટનાની જાણકારી મળતા કલ્યાણની મહાત્મા ફૂલે પોલીસ સ્ટેશનના પોલીસ અધિકારીઓ ઘટના સ્થળે પહોંચી ગયા હતા અને જીગ્નેશને તાત્કાલિક ફોર્ટિસ હોસ્પિટલ મોકલવામાં આવ્યો હતો જ્યાં ડોક્ટરોએ તેને મૃત જાહેર કર્યો હતો.

  જીગ્નેશ ઠક્કરની મટકા કિંગ તરીકે જાણીતો હતો. જેનો કલ્યાણ, ઉલ્લાસનગર અને થાણેના ઘણા વિસ્તારોમાં જુગાર અને રમી ક્લબનો વેપલો ચલાવતો હતો.  સૂત્રોના જણાવ્યા અનુસાર તે ક્રિકેટ મેચ પર પણ સટ્ટો લગાવવામાં પણ જીગ્નેશ આગળ રહેતો હતો.

(11:15 pm IST)
  • ભુજની રાવલવાડીમાં કોરોનાથી એક મહિલાનું મોત :આખી શેરી કવોરોન્ટાઇન હેઠળ:લોકલ સંક્રમિતની વિગતો તંત્ર આપે:આજુબાજુમાં ભયનો માહોલ:મહિલા ઓટલા પરિષદમાં રોજ હાજરી પુરાવતા જ્યાં અનેક વૃદ્ધ મહિલાઓ પણ બેસતા:અન્ય કેટલા લોકો સંપર્કમાં આવ્યા તપાસ સાથે તકેદારીનો વિષય access_time 9:45 pm IST

  • ૧ થી ૧૪ ઓગષ્ટ વચ્ચે દેશમાં સારો વરસાદ જામશેઃ ૧૮ ઓગષ્ટ પછી નવો દૌરઃ ઓગષ્ટમાં વરસાદ ધરવી દેશે ? : ૮-૯ ઓગષ્ટ પછી વળી એક બીઓબી એલપીએની આગાહી ઇસીએમ ડબલ્યુએફએ કરી છે. જેને લીધે પશ્ચિમના સાગરકાંઠે, મધ્ય - ઉત્તર અને ઉત્તર પશ્ચિમ ભારતમાં ૧ થી ૧૪ ઓગષ્ટ વચ્ચે વરસાદની જમાવટ રંગ લાવશે અને ૧૮ ઓગષ્ટ પછી ફરીથી દેશના સંખ્યાબંધ ભાગોમાં વરસાદનું જોર વધી જશે તેમ ખાનગી વેધર એનાલીસ્ટે ટવીટર ઉપર કહ્યું છે. access_time 1:19 pm IST

  • રાજકોટમાં આજે 131 લોકો માસ્ક વિનાનાં દંડાયા :65500નો દંડ: આજથી 500નો દંડ વસુલતુ મ્યુનિ.કોર્પોરેશન અને પોલીસ તંત્ર: સૌથી વધુ વોર્ડ નં.1માં 13 લોકો ઝડપાયા: વોર્ડ નં. 7માં બધા માસ્ક પહેરી નિકળ્યા access_time 8:15 pm IST