Gujarati News

Gujarati News

News of Saturday, 1st August 2020

કેસ ઘટતાં દિલ્હીમાં લોકોમાં કોરોનાનો ખૌફ ઓછો થયો

અનલોક-૩માં થાળે પડતું દેશના પાટનગરનું જનજીવન : ચટાકેદાર ખાવા માટે રસ્તાઓ પર હવે ભીડ જોવા મળે છે

નવી દિલ્હી, તા. : દિલ્હીમાં કોરોનાની બીમારીના કેસની સંખ્યા ઘટવા લાગી છે અને તેને કારણે લોકોમાં ડર ઓછો થઈ રહ્યો હોય તેમ દેખાય છે. અનલોકમાં જેમ જેમ વેપાર, રોજગાર ફરી ચાલુ થવા લાગ્યા છે તેમ તેમ દિલ્હીમાં ખાણી પીણીની દુકાનો, રેસ્ટોરામાં લોકોની લાઈન લાગવાનું ચાલુ થઈ ગયું છે. અત્યાર સુધી જે લોકો કોરોનાના સંક્રમણના ડરથી બહારનું ખાવાનું ટાળી રહ્યા હતા તેઓ હવે ફરી ધીરે ધીરે ચટાકેદાર ભોજનની લિજ્જત તરફ પાછા વળવા લાગ્યા છે. સ્ટ્રીટ ફુડ હોય કે પછી રેસ્ટોરા અને દુકાનો, ચાટથી લઈને મીઠાઈઓ સુધી બધી જાતના પકવાનોનો સ્વાદ લોકોને ફરી લલચાવવા લાગ્યો છે. આશરે ત્રણેક મહીનાના લાંબા લોકડાઉન બાદ દિલ્હીની લિજ્જત સામે લોકોની ધીરજનો બંધ હવે તૂટવા લાગ્યો છે.

 એક તરફ કોરોનાનો ડર પણ છે પરંતુ સ્વાદ અને લિજ્જતની સામે લોકો પોતાને રોકી પણ નથી શકતા. લોકોના કહેવા પ્રમાણે હવે કોરોનાનો ડર ઘટી ગયો છે. હવે નવા કેસની સંખ્યા ઓછી થઈ ગઈ છે માટે ડર થોડો ઘટ્યો છે. તે સિવાય અનેક લોકોનું એમ પણ કહેવું છે કે બહું લાંબો સમય રાહ જોઈ લીધી અને હવે બહારનું ખાઈ-પી શકીએ છીએ પરંતુ સાથે સાવધાની પણ રાખવામાં આવે છે.

ચાટ, સમોસા, પાણીપુરીની દુકાનો ખુલવાથી લોકો જેટલા ખુશ છે તેટલા વેપારીઓ પણ આનંદિત છે. જૂન મહીનાથી અનેક રેસ્ટોરા અને દુકાન વગેરે ખુલી ગયું હતું પરંતુ ગ્રાહકો કોરોનાના ડરથી બહાર કશું પણ ખાતા ડરી રહ્યા હતા. પરંતુ હવે મોટી સંખ્યામાં લોકો આવી દુકાનોએ પાછા આવી રહ્યા છે જેથી વેપારીઓને પણ રાહત મળી છે.

(7:50 pm IST)
  • ૬-૭ ઓગષ્ટથી તામિલનાડુમાં ફરી વરસાદ ખાબકશે : તામિલનાડુમાં ૬-૭ ઓગષ્ટથી ગાજવીજ સાથે ચોમાસુ વરસાદનું ફરી આગમન થશે. તેમ જાણીતા વેધર વોચર કેન્ની જણાવે છે. access_time 1:18 pm IST

  • દેવભૂમિ દ્વારકા જિલ્લાના પોલીસ વડા રોહન આનંદની બદલી,:નવા DSP તરીકે 2010 બેચના સુનીલ જોશીની નિમણુક access_time 12:53 am IST

  • દેશમાં કોરોનાએ હાહાકાર મચાવ્યો : એક જ દિવસમાં સૌથી વધુ 57,212 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 16,96,780 કેસ થયા :5,64,156 એક્ટિવ કેસ :કુલ 10.95,647 દર્દીઓ રિકવર થયા :વધુ 764 લોકોના મોત :મૃત્યુઆંક 36,551 થયો : છેલ્લા 24 કલાકમાં મહારાષ્ટ્રમાં નવા 10,320 કેસ : તામિલનાડુમાં 5864 કેસ :દિલ્હીમાં 1195 કેસ : આંધ્રપ્રદેશમાં નવા 10.167 કેસ: કર્ણાટકમાં નવા 5483 કેસ :ઉત્તર પ્રદેશમાં 4422 કેસ અને પશ્ચિમ બંગાળમાં વધુ 2496 કેસ :બિહારમાં 2986 નવા કેસ, તેલંગાણામાં 1986 કેસ,રાજસ્થાનમાં 1147 કેસ અને આસામમાં 1862 નવા કેસ અને ઓરિસ્સામાં 1499 કેસ નોંધાયા access_time 12:46 am IST