Gujarati News

Gujarati News

News of Saturday, 1st August 2020

સસ્તું સોનુ ખરીદવાની તક : ગોલ્ડ બોન્ડ માટે પ્રતિ ગ્રામની ઈશ્યૂ પ્રાઈસ રહેશે 5,334 રૂપિયા

આ ઈશ્યૂ ત્રણથી 7 ઓગસ્ટ 2020 વચ્ચે આવશે

મુંબઈઃ ભારતીય રિઝર્વ બેન્કે સ્વર્ણ ગોલ્ડ બોન્ડનું નિર્ગમ મૂલ્ય (ઈશ્યૂ પ્રાઈસ) 5,334 રૂપિયા પ્રતિ 10 ગ્રામ નક્કી કર્યું છે. આ ઈશ્યૂ ત્રણથી 7 ઓગસ્ટ 2020 વચ્ચે આવશે. રિઝર્વ બેન્કના શુક્રવારે જારી નિવેદન અનુસાર 2020-21 સીરીઝ-પાંચની સ્વર્ણ ગોલ્ડ બોન્ડ યોજનાની ઇશ્યૂ પ્રાઈઝ રૂ .5,334 પ્રતિ ગ્રામ રહેશે. અગાઉના ગોલ્ડ બોન્ડ ઇશ્યૂની કિંમત 10 ગ્રામ દીઠ રૂ. 4,852 હતી.

  આ બોન્ડનો ઈશ્યૂ 6 થી 10 જુલાઇની વચ્ચે બહાર પાડવામાં આવ્યો હતો. નિવેદન મુજબ, બોન્ડ માટે ઓનલાઇન ચૂકવણી કરનારાઓને પ્રતિ ગ્રામ દીઠ 50 રૂપિયાની છૂટ મળશે. આમ તેમના માટે ગોલ્ડ બોન્ડની કિંમત પ્રતિ ગ્રામ 5,284 રૂપિયા હશે. આ પ્રકારે તેમના માટે સ્વર્ણ બોન્ડનું મૂલ્ય 5,284 રૂપિયા પ્રતિ ગ્રામ રહેશે. કેન્દ્ર સરકારે એપ્રિલમાં જાહેરાત કરી હતી કે તે 20 સપ્ટેમ્બર સુધીમાં છ હપ્તામાં ગોલ્ડ બોન્ડ જારી કરશે. રિઝર્વ બેંક ભારત સરકાર વતી સ્વર્ણ ગોલ્ડ બોન્ડ ઇસ્યુ કરે છે

(12:32 pm IST)
  • કાલે વિજયભાઈના અધ્યક્ષસ્થાને વન મહોત્સવ ઉજવણીની બેઠક : ૭૧માં રાજયકક્ષાના વનમહોત્સવની ઉજવણી અંતર્ગત રાજકોટના આજી ડેમ વિસ્તાર ખાતે અર્બન ફોરેસ્ટ અને સાંસ્કૃતિક વન નિર્માણ કાર્યક્રમ આવતીકાલે તા. ૨ના રવિવારે સવારે ૧૦:૩૦ વાગ્યે મુખ્યમંત્રી શ્રી વિજયભાઈ રૂપાણીના અધ્યક્ષસ્થાને વિડીયો કોન્ફરન્સના માધ્યમથી કાર્યક્રમ યોજાશે : જેમાં ૫૦ જેટલા પદાધિકારીઓ - અધિકારીઓ સોશ્યલ ડિસ્ટન્સના પાલન સાથે હાજર રહેશે access_time 12:54 pm IST

  • રવિ-સોમવારે રાજ્યમાં સૌરાષ્ટ્ર અને દક્ષિણ ગુજરાતમાં ભારે વરસાદની આગાહી:આગામી 2 દિવસ પછી રાજ્યમાં વરસાદનું જોર વધશે:5 ઓગસ્ટની આસપાસ બંગાળની ખાડીમાં સિસ્ટમ સક્રિય થશે: જેનાથી 5,6,7 ઓગસ્ટે રાજ્યમાં સાર્વત્રિક ભારે વરસાદની આગાહી access_time 9:21 pm IST

  • બકરી ઈદ તહેવાર : ડ્યુટી ઉપર સમયસર ન પહોંચવા બદલ દિલ્હીના 36 પોલિસકર્મી સસ્પેન્ડ : જામા મસ્જીદે સોશિઅલ ડીસ્ટન્સનું પાલન કરાવવા સાંજે 5 વાગ્યે હાજર ન થયેલા 36 પોલીસ કર્મચારીઓ બરતરફ : પોલીસ કમિશનર મહિલા વિજયંતા આર્યએ લીધેલું કડક પગલું access_time 12:37 pm IST