Gujarati News

Gujarati News

News of Saturday, 1st August 2020

બેંક - વીમા કામદારોને મોંઘવારીના સમયમાં રાહત : આ મહિનાથી ડીએ ૧૪ સ્લેબ વધશે

ગ્રાહક ભાવાંક જાહેર : એપ્રિલ ૩૨૯, મે ૩૩૦ અને જુન ૩૩૨ : કેન્દ્ર - રાજ્યના કર્મચારીઓનું ૩ ટકા ડીએ ડયુ થયું : ૨૧ ટકા હતું હવે ૨૪ ટકા થશે

રાજકોટ તા. ૧ : આ મહિનાથી દેશભરના બેંક અને વીમા કામદારોને મળતા મોંઘવારી ભથ્થામાં ૧૪ સ્લેબનો વધારો મળશે. જ્યારે ગ્રાહક ભાવાંકના આધારે કેન્દ્ર અને રાજ્ય સરકારના કર્મચારીઓને મળતા મોંઘવારી ભથ્થામાં ૩ ટકાનો વધારો ડયુ થયો છે. જો કે કેન્દ્ર સરકારે કોરોનાને ધ્યાને લઇ પોતાના કર્મચારીઓનું ડીએ ફ્રીઝ કરી દીધું છે.

કેન્દ્ર સરકારના શ્રમ બ્યુરો દ્વારા ઔદ્યોગિક કામદારો માટેનો ગ્રાહક ભાવાંક જાહેર કરાયો છે. જે એપ્રિલ ૩૨૯ (૭૫૦૯.૭૨), મે ૩૩૦ (૭૫૩૨.૫૫૩) અને જુન ૩૩૨ (૭૫૭૮.૨૦) જાહેર થયો છે. જેની એવરેજ ૭૫૪૦.૧૬ થવા જાય છે જેની ગણતરી કરતા હાલ ૭૬૦ સ્લેબ પર ડીએ મળે છે જે ૧૪ સ્લેબ વધીને હવે ૭૭૫ સ્લેબ પર મળશે. ૪૪૪૦ પોઇન્ટ ઉપર ૭૭૫ સ્લેબની ૦.૧૦% લેખે ગણતરી કરતા ૭૭.૫૦% મોંઘવારી મળશે.

દરમિયાન બેંકના પેન્શનરોને અગાઉના ૨ અને અત્યારના ૧૪ એમ ૧૬ સ્લેબના વધારા સાથે ડીએ આ મહિનાથી મળશે.

ગ્રાહક ભાવાંકના આધારે કેન્દ્ર - રાજ્યના કર્મચારીઓનું ૩% ડીએ ડયુ છે. હાલ ૨૧ ટકા મળે છે જે ૧-૭-૨૦૨૦થી ૨૪% થશે. ૧-૧-૨૦૨૦થી ૨૧% ડીએ હતું.

જોકે, કોરોનાને કારણે સરકારે પોતાના કર્મચારીઓનું ડીએ આવતા વર્ષે સુધી ફ્રીઝ કર્યું છે પણ જ્યારે તે મળશે તે આ મુજબ મળશે.

(11:15 am IST)
  • અંત સમયમાં ભગવાન જ યાદ આવે છે : મધ્યપ્રદેશના પૂર્વ મુખ્યમંત્રી કમલનાથે રામમંદિરના નિર્માણને આવકારતો વિડિઓ વાઇરલ કરતા ભાજપ આગેવાન કૈલાસ વિજય વર્ગીયનો કટાક્ષ : અત્યાર સુધી કોંગ્રેસ આગેવાનો રામના પાત્રને કાલ્પનિક ગણાવતા હતાં : હવે સદબુદ્ધિ આવી તે બાબત આવકારદાયક access_time 7:59 pm IST

  • દેશમાં કોરોનાએ હાહાકાર મચાવ્યો : એક જ દિવસમાં સૌથી વધુ 57,212 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 16,96,780 કેસ થયા :5,64,156 એક્ટિવ કેસ :કુલ 10.95,647 દર્દીઓ રિકવર થયા :વધુ 764 લોકોના મોત :મૃત્યુઆંક 36,551 થયો : છેલ્લા 24 કલાકમાં મહારાષ્ટ્રમાં નવા 10,320 કેસ : તામિલનાડુમાં 5864 કેસ :દિલ્હીમાં 1195 કેસ : આંધ્રપ્રદેશમાં નવા 10.167 કેસ: કર્ણાટકમાં નવા 5483 કેસ :ઉત્તર પ્રદેશમાં 4422 કેસ અને પશ્ચિમ બંગાળમાં વધુ 2496 કેસ :બિહારમાં 2986 નવા કેસ, તેલંગાણામાં 1986 કેસ,રાજસ્થાનમાં 1147 કેસ અને આસામમાં 1862 નવા કેસ અને ઓરિસ્સામાં 1499 કેસ નોંધાયા access_time 12:46 am IST

  • દ્વારકા જિલ્લામાં કોરોનાએ કહેર વર્તાવ્યો: જિલ્લામાં કુલ કેસો 73 થયા:ગુંદા ગામે 4 લોકોનો કોરોના રિપોર્ટ પોઝીટીવ : સ્નેહ રાકેશ પાડલીયા 12 વર્ષ, ચાંદ અનિલ લાલકીયા 14 વર્ષ , યુગ રેનિસ અમૃતિયા 09 વર્ષ અને રાકેશ દામજી પાડલિયા 38 વર્ષ આ ચાર લોકોના રિપોર્ટ પોઝીટીવ આવ્યા બાદ તેઓને સરકારી હોસ્પિટલ ખસેડાયા : જિલ્લામાં કુલ કેસો 73 થયા : તેન લોકોના મૃત્યુ : 33 દર્દીઓ ડિસ્ચાર્જ અને 37 દર્દીઓ એક્ટિવ કેસો access_time 10:21 pm IST