Gujarati News

Gujarati News

News of Saturday, 1st August 2020

આને કહેવાય જીવદયા : ચકલીના બચ્ચાને બચાવવા ગામ લોકોએ ૩૫ દિવસનો અંધારપટ્ટ સહન કર્યો

શિવગંગા : લોકડાઉન દરમિયાન પરપ્રાંતિય મજુરોના નિભાવનો પ્રશ્ન ચર્ચામાં રહ્યો. આવા મજુરોની મદદ કોઇને કોઇએ કરી. એ વાત તો સૌ સમજી શકયા. પણ અહીં ચકલીના બચ્ચાને બચાવવા આદરાયેલ સંઘર્ષની વાત છે.

પોતાના બચ્ચાઓને બચાવવા સંઘર્ષ કરી રહેલ ચકલીને નિહાળી ગામવાળાઓને પણ લાગણી ઉભરાઇ. તેઓએ જોયુ કે આ ચકલીનો માળો તો સ્ટ્રીટ લાઇટના સ્વીચ બોર્ડ ઉપર છે. જો સ્પાર્ક થાય તો માળો બળી જાય.

બધાના હ્ય્દયમાં કરૂણાભાવ જાગ્યો અને નિર્ણય લેવાયો કે જયાં સુધી આ ચકલીના બચ્ચા મોટા થઇને ઉડી ન જાય ત્યાં સુધી સ્વીચ બોર્ડ બંધ જ રખાશે. એક દિવસ નહીં પુરા ૩૫ દિવસ ગામે અંધારપટ સહન કર્યો.

સ્વાભાવિક છે કે ચોમાસાના દિવસો હોય અને સ્વીચ બોર્ડમાં કરંટ લાગે તો ચકલોનો માળો સળગી ઉઠે. ચકલીના બચ્ચા મરી જાય તો દુઃખ થાય. આવુ વિચારી ગામ લોકોએ સ્વીચ બોર્ડ બંધ રાખવાનું જ વધુ ઉચિત સમજયુ.

આમ ચકલીના બચ્ચાને બચાવવા માત્રી પરહીત કાજે ગામ લોકોએ ૩૫ દિવસનો અંધારપટ સહન કરી લીધો. આ કિસ્સો સોશ્યલ મીડિયામાં ધુમ મચાવી રહ્યો છે. આ ઘટના માનવીય સંવેદનાની પ્રેરણા પુરી પાડે છે. જો ચકલીના બચ્ચાને બચાવવા આટલુ થતુ હોય તો મહામારીના દિવસોમાં ગમે તેવી મુશ્કેલીનો સામનો કરવામાં પણ આવી એકતા બેમિશાલ પુરવાર થઇ શકે.

(11:13 am IST)
  • લોકડાઉનથી આર્થિક સંકટ ઉભું થયું છે અને કેન્દ્રની આવકમાં પણ ઘટાડો થયો છે : કોરોના સાથે જીવન જીવતા શીખવું પડશે : લાંબા સમય સુધી લોકડાઉન યોગ્ય નથી : ગડકરી access_time 2:24 pm IST

  • GST કલેક્શનમાં જબરો ઘટાડો:જુલાઈ, 2020 માં એકત્રિત કરવામાં આવેલી જીએસટીની કુલ આવક ઘટીને રૂ. 87,422 કરોડ થઈ છે : સીજીએસટી: રૂ .16,147 કરોડ: એસજીએસટી: 21,418 કરોડ : આઇજીએસટી: 42,592 કરોડ : સેસ: 7,265 કરોડ access_time 10:18 pm IST

  • દેશમાં કોરોનાએ હાહાકાર મચાવ્યો : એક જ દિવસમાં સૌથી વધુ 57,212 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 16,96,780 કેસ થયા :5,64,156 એક્ટિવ કેસ :કુલ 10.95,647 દર્દીઓ રિકવર થયા :વધુ 764 લોકોના મોત :મૃત્યુઆંક 36,551 થયો : છેલ્લા 24 કલાકમાં મહારાષ્ટ્રમાં નવા 10,320 કેસ : તામિલનાડુમાં 5864 કેસ :દિલ્હીમાં 1195 કેસ : આંધ્રપ્રદેશમાં નવા 10.167 કેસ: કર્ણાટકમાં નવા 5483 કેસ :ઉત્તર પ્રદેશમાં 4422 કેસ અને પશ્ચિમ બંગાળમાં વધુ 2496 કેસ :બિહારમાં 2986 નવા કેસ, તેલંગાણામાં 1986 કેસ,રાજસ્થાનમાં 1147 કેસ અને આસામમાં 1862 નવા કેસ અને ઓરિસ્સામાં 1499 કેસ નોંધાયા access_time 12:46 am IST