Gujarati News

Gujarati News

News of Saturday, 1st August 2020

દેશભરમાં બકરી ઇદની ઉજવણી : જામા મસ્જિદમાં અદા કરવામાં આવી ઇદની નમાઝ

લોકોને થર્મલ સ્ક્રિનિંગ કર્યા પછી જ મસ્જિદમાં પ્રવેશ અપાયો

નવી દિલ્હી તા. ૧ : દેશભરમાં ઈદ-ઉલ-આઝહા એટલે કે બકરીઇદનો તહેવાર ઉજવવામાં આવી રહ્યો છે. દિલ્હીની જામા મસ્જિદમાં ૧ ઓગસ્ટ, શનિવારે સવારે લોકોએ નમાઝ પઢી હતી. સવારે ૬.૦૫ કલાકે દિલ્હીની જામા મસ્જિદમાં નમાઝ પઢવામાં આવી હતી.

કોરોના સંકટને લીધે, મસ્જિદ વહીવટી તંત્રના લોકોએ જામા મસ્જિદમાં નમાઝ પઢવા આવતા લોકોને વારંવાર એકબીજાથી અંતર જાળવવાની અપીલ કરી હતી. જામા મસ્જિદમાં તૈનાત પોલીસકર્મીઓએ લોકોને થર્મલ સ્ક્રિનિંગ કર્યા પછી જ મસ્જિદમાં પ્રવેશ આપ્યો હતો.

જોકે, જામા મસ્જિદમાં નમાઝ દરમિયાન મિશ્ર તસવીરો જોવા મળી હતી. કોરોના કટોકટીમાં કેટલાક નમાજી સામાજિક અંતર જાળવતા જોવા મળ્યા હતા, જયારે કેટલાક તેનું ઉલ્લંઘન કરતા જોવા મળ્યા હતા. મસ્જિદમાં આગળ બેઠેલા લોજો અંતર જાળવીને નમાઝ પઢી રહ્યા હતા. પરંતુ પાછળ બેઠેલા લોકો ખૂબ નજીક બેસીને નમાઝ અદા કરતા જોવા મળ્યા.

કેટલાક લોકોએ મસ્જિદની સીડી પર બેસીને નમાઝ અદા કરી હતી. નમાઝ પછી, લોકો ઉતાવળમાં એકબીજાની ખુબ નજીકથી બહાર જતા જોવા મળ્યા. ઘણા લોકો માસ્ક વિના મસ્જિદમાં ફરતા જોવા મળ્યા હતા. જોકે લોકોનું માનવું હતું કે કેટલાક લોકોએ કયાંક સામાજિક અંતરનું ઉલ્લંઘન કર્યું છે. તેમણે એમ પણ કહ્યું કે મોટાભાગના લોકો નિયમોનું પાલન કરે છે. મોડા પહોંચતા કેટલાક લોકોએ નિયમોનું ઉલ્લંઘન કર્યું હતું.

(11:09 am IST)
  • ૧ થી ૧૪ ઓગષ્ટ વચ્ચે દેશમાં સારો વરસાદ જામશેઃ ૧૮ ઓગષ્ટ પછી નવો દૌરઃ ઓગષ્ટમાં વરસાદ ધરવી દેશે ? : ૮-૯ ઓગષ્ટ પછી વળી એક બીઓબી એલપીએની આગાહી ઇસીએમ ડબલ્યુએફએ કરી છે. જેને લીધે પશ્ચિમના સાગરકાંઠે, મધ્ય - ઉત્તર અને ઉત્તર પશ્ચિમ ભારતમાં ૧ થી ૧૪ ઓગષ્ટ વચ્ચે વરસાદની જમાવટ રંગ લાવશે અને ૧૮ ઓગષ્ટ પછી ફરીથી દેશના સંખ્યાબંધ ભાગોમાં વરસાદનું જોર વધી જશે તેમ ખાનગી વેધર એનાલીસ્ટે ટવીટર ઉપર કહ્યું છે. access_time 1:19 pm IST

  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST

  • " બકરી ઈદ " : વડાપ્રધાન શ્રી મોદીએ બાંગ્લાદેશના પ્રાઈમ મિનિસ્ટર શેખ હસીનાને ' બકરી ઈદ ' ની શુભેચ્છા પાઠવી : કોવિદ -19 મહામારી અટકાવવા લીધેલા પગલાંની પ્રસંશા કરી : દરેક સંજોગોમાં ભારત મદદરૂપ થશે તેવી ખાતરી આપી access_time 1:48 pm IST