Gujarati News

Gujarati News

News of Saturday, 1st August 2020

નોઈડામાં બહુમાળી ઈમારત થઈ ધરાશાયી : કાટમાળમાંથી 4 લોકોને બહાર કાઢ્યા : અનેક લોકો દટાયા હોવાની આશંકા

ફાયર બ્રિગેડ, એમ્બ્યુલન્સ અને એનડીઆરએફની એક ટીમ ઘટના સ્થળે પોલીસ દળ સાથે હાજર

નવી દિલ્હી : દિલ્હીને અડીને આવેલા નોઈડામાં એક મોટી દુર્ઘટના થઈ છે. અહીં એક બહુમાળી ઈમારત પડી ગઈ છે. અહીં ઘણા લોકો મકાનની નીચે દટાયેલા હોવાનું જાણવા મળે છે. પોલીસ અને પ્રશાસનની ટીમો ઘટના સ્થળે પહોંચી ગઈ છે. આ ઇમારત નોએડાના સેક્ટર 11માં આવેલી એફ 62 માં પડી છે. એવું કહેવામાં આવી રહ્યું છે કે આ બિલ્ડિંગનું નિર્માણ કામ ચાલી રહ્યું હતું.

 

ફાયર બ્રિગેડ, એમ્બ્યુલન્સ અને એનડીઆરએફની એક ટીમ ઘટના સ્થળે પોલીસ દળ સાથે હાજર છે. કાટમાળ નીચે દબાયેલા 10થી વધુ લોકો દટાયા હોવાનું જાણવા મળે છે. મળતી માહિતી મુજબ ચાર લોકોનો બચાવ થયો છે. બચાવેલ લોકોમાં ત્રણ પુરુષો અને એક મહિલાનો સમાવેશ છે. સ્થળ પર હાજર લોકોનું કહેવું છે કે ઘણા લોકો કાટમાળ નીચે દટાયેલા છે. આ બિલ્ડિંગ નોઇડા સેક્ટર 24 પોલીસ સ્ટેશન હેઠળ આવે છે

 

(12:00 am IST)
  • શહેરમાં આજથી માસ્ક નહી પહેરનારને રૂ. પ૦૦નો દંડ ફટકારવાનુ શરૂ : રાજકોટ : રાજય સરકારનાં આદેશ મુજબ આજથી મ્યુ. કોર્પોરેશન અને પોલીસ દ્વારા માસ્ક નહી પહેરનાર નાગરિકો પાસેથી રૂ. પ૦૦ લેખે દંડ વસુલવાનુ શરૂ બપોર સુધીમાં ૧૦ હજારથી વધુનાં દંડની વસુલાત access_time 3:26 pm IST

  • મુખ્યમંત્રી વિજયભાઈ રૂપાણીનો રવિવારે 64મો જન્મ દિવસ પ્રજાલક્ષી કાર્યોને કરશે સમર્પિત:સુરતમાં કોવિડ ડેડિકેટેડ હોસ્પિટલની લેશે મુલાકાત.:રાજકોટમાં રૂ.100 કરોડની લોન સહાયના ચેકનું સામાન્ય કારીગર-લોકોને ગાંધીનગરથી વર્ચ્યુઅલ ચેક વિતરણ કરાશે. access_time 10:25 pm IST

  • બકરી ઈદ તહેવાર : ડ્યુટી ઉપર સમયસર ન પહોંચવા બદલ દિલ્હીના 36 પોલિસકર્મી સસ્પેન્ડ : જામા મસ્જીદે સોશિઅલ ડીસ્ટન્સનું પાલન કરાવવા સાંજે 5 વાગ્યે હાજર ન થયેલા 36 પોલીસ કર્મચારીઓ બરતરફ : પોલીસ કમિશનર મહિલા વિજયંતા આર્યએ લીધેલું કડક પગલું access_time 12:37 pm IST