Gujarati News

Gujarati News

News of Friday, 1st June 2018

૭ રાજ્‍યોમાં ખેડૂતોની હડતાલઃ રસ્‍તાઓ પર ફેંક્‍યા શાકભાજી, દૂધ સપ્‍લાય પણ અટકાવ્‍યો

નવી દિલ્‍હી તા. ૧ : પંજાબ અને મધ્‍યપ્રદેશ સહિત દેશના સાત રાજયોમાં ખેડૂતોએ પહેલી જૂનથી એટલેકે આજથી  આંદોલન શરુ કર્યું છે. ઉલ્લેખનીય છે કે, ખેડૂત યૂનિયન દ્વારા તેમની માગણીઓને લઈને કેન્‍દ્ર સરકાર વિરુદ્ધ ૧૦ દિવસના આંદોલનની જાહેરાત કરવામાં આવી છે. સાથે જ મધ્‍યપ્રદેશમાં મંદસૌરના ખેડૂતોએ શાકભાજી અને દૂધ શહેરની બહાર નહીં મોકલવાની જાહેરાત કરી છે. ખેડૂતોનું  આંદોલન સરકાર દ્વારા ટેકાના લઘુત્તમ ભાવની ચુકવણી કરવાનું વચન જલદી પૂર્ણ કરવા માટે છે.પુણેના ખેડશિવાપુર ટોલ પ્‍લાઝા પર ખેડૂતોએ ૪૦ હજાર લીટર દૂધ રસ્‍તા પર ઢોળ્‍યું હતું.

*  મધ્‍યપ્રદેશના મંદસૌરમાં ખેડૂતોએ આંદોલન શરુ કરતાં પહેલાં મંદિરે જઈને દૂધથી ભગવાનનો અભિષેક કર્યો હતો.

*  રાષ્ટ્રીય કિસાન મહાસંઘે ૧૩૦ સંગઠનો સાથે મળીને વિરોધ પ્રદર્શન અને હડતાળનું એલાન કર્યું છે.

*  ઝબુઆમાં ધારા ૧૪૪ લાગુ કરવામાં આવી છે. અને ખેડૂતોને શાંતિ જાળવવા માટે અપીલ કરવામાં આવી છે.

*  આગરામાં ખેડૂતોએ તેમના વાહનોના ટોલ ફ્રી આવાગમન માટે ખેડૂતોએ ટોલ પ્‍લાઝા પર કબજો કર્યો અને તોડફોડ પણ કરી.

*  ખેડૂતો સરકાર દ્વારા કરવામાં આવેલા લઘુતમ ટેકાના ભાવની ચુકવણીના વચનનું જલદી પાલન કરવા માટે આંદોલન કરી રહ્યાં છે.

*  મંદસૌર શહેરમાં સઘન પોલીસ બંદોબસ્‍ત તૈનાત કરવામાં આવ્‍યો છે, જેથી ખેડૂતો આંદોલન દરમિયાન કોઈ અશાંતિ ઉભી ન કરે.

*  જો કે પંજાબના ખેડૂતોનો એક સમુદાય આ વિરોધમાં જોડાયો નથી. વધુમાં કેટલાક ખેડૂતોએ આંદોલનથી વિપરિત જઈને ચંદીગઢના કેટલાક વિસ્‍તારોમાં દૂધની સપ્‍લાઈ પણ યથાવત રાખી હતી.

(4:19 pm IST)
  • પી. ચિદમ્બરમને સીબીઆઈનું તેડું: ૬ જૂને હાજર રહેવા સમન્સ : INX મીડિયા કેસમાં વરિષ્ઠ કોંગ્રેસી નેતા,પૂર્વ નાણાંમંત્રી અને દેશના ટોચના ધારાશાસ્ત્રી પી. ચિદમ્બરમને સીબીઆઈએ ૬ જૂને પૂછપરછ માટે બોલાવ્યા છે access_time 10:21 pm IST

  • જમ્મુ-કાશ્મીરમાં ફિદાયીન હુમલાની આશંકા :હાઇએલર્ટ જાહેર :ગુપ્તચરની સૂચનામાં આત્મઘાતી હુમલાની ભીતિ બાદ સુરક્ષા એજન્સીઓ એલર્ટ:આતંકીઓ કાશ્મીરમાં ઘૂસવાની ફિરાકમાં :શ્રીનગર અને જમ્મુમાં નાકાબંધી વાહનોની તપાસ અને હોટલ ધર્મશાળામાં ચેકીંગ શરુ :શહેરમાં પ્રવેશતા તમામ રસ્તાઓમાં સતકર્તા વધારાઈ ;સંવેદનશીલ વિસ્તારોમાં ચુસ્ત બંદોબસ્ત ગોઠવાયો access_time 1:06 am IST

  • રાજકોટ-ભાવનગર હાઇવે પર ગમખ્વાર અકસ્માત :સિહોરની જીઆઇડીસી ન,1 નજીક ત્રિપલ સવારી બાઈકને અજાણ્યા વાહને અડફેટે લીધું :બે ના મોતની આશંકા :લોકોના તોલા એકત્ર થયા ;અકસ્માતની જાણ થતા પોલીસનો કાફલો ઘટના સ્થળે પહોંચ્યો access_time 12:09 am IST