Gujarati News

Gujarati News

News of Friday, 1st June 2018

નીરુ ભેદા ભાવુક બની : બોલિવૂડની 'આઈટમ ગર્લ' રાખી સાવંતનો ચોંકાવનારો સૌથી મોટો ખુલાસો

આવા વિચારશૂન્ય લોકો સામે નાચવાની જગ્યાએ હું ડાન્સ બારમાં ડાન્સ કરીશ

નવી દિલ્હી: બૉલીવુડ અને રિયાલિટી શોમાં પોતાના ડાન્સ અને નખરાથી જાણીતી અભિનેત્રી રાખી સાવંતનું કહેવું છે કે એક સમય એવો હતો કે ફિલ્મ નિર્માતાઓએ તેને કામ આપવાની ઘસીને ના પાડી દીધી હતીં. ત્યારે તેણીએ પોતાના રંગરૂપમાં ફેરફાર કરવા માટે સર્જરી કરાવવી પડી હતી. રાખીનું અસલ નામ નીરુ ભેદા છે. રાખીએ વીકેન્ડ ચેટ શો 'જઝ્બાત સંગીન સે નમકીન તક'ના એક એપિસોડનું શુટિંગ કર્યું. એક નિવેદનમાં કહેવાયું કે જ્યારે આ શોના મેજબાન રાજીવ ખંડેલવાલે રાખીને નીરુ કહીને બોલાવી તો તે ખુબ જ ભાવુક બની ગઈ હતી.

   રાખીએ કહ્યું કે 'મારા પરિવારે મને મનોરંજન ઉદ્યોગમાં જવાની ક્યારેય મંજૂરી આપી નહતી.  તેઓ જ્યારે મને નાચતા જોઈ લેત તો મને મારી મારીને લાલપીળી કરી નાખત. આખરે હું જ્યારે મુંબઈ પહોંચી ત્યારે મેં અનેક નિર્માતાઓ સામે નાચવાનું અને મારી પ્રતિભા બતાવવાનું શરૂ કર્યું તો તેમણે મારી સામે ખરાબ નજરથી પણ જોયું.'

   રાખીએ એમ પણ કહ્યું કે મેં વિચાર્યું કે આવા વિચારશૂન્ય લોકો સામે નાચવાની જગ્યાએ હું ડાન્સ બારમાં ડાન્સ કરીશ. અનેકવાર ઠુકરાવવામાં આવી અને લુક તથા રંગરૂપ સુધારવા માટે પછી મે સર્જરીનો સહારો લીધો. સર્જરી રૂમમાં હું નીરુ ભેદા તરીકે ગઈ હતી પરંતુ ત્યાં વધુ સારા રંગરૂપ સાથે રાખી સાવંત તરીકે બહાર નીકળી. 'જઝ્બાત સંગીન સે નમકીન તક'નું પ્રસારણ ઝી ટીવી પર થાય છે.

(2:00 pm IST)
  • ભાજપના સાંસદ લીલાધર વાઘેલા ગૂમ : પાટણમાં પોસ્‍ટર લાગ્‍યા : સાંસદ ગૂમ થયાના પોસ્‍ટર થયા વાયરલ : ‘૨૦૧૪ બાદ દેખાયા જ નથી સાંસદ' તેવું લખાણ access_time 4:16 pm IST

  • વાયરલ વીડિયોમાં ગોવિંદા સ્ટાઈલથી ડાન્સ કરતા આ વિદિશાના સંજીવ શ્રીવાસ્તવ ભોપાલની એક એન્જીનીયરીંગ કોલેજના આસિસ્ટન્ટ પ્રોફેસર કહે છે કે તેઓએ ડાન્સની કોઈ ટ્રેનિંગ લીધી નથી :અને 80ના દાયકામાં મધ્યપ્રદેશના બેસ્ટ ડાન્સરનો એવોર્ડ મેળવ્યો હતો access_time 1:07 am IST

  • સુરતથી ઉપડેલી તાપ્તી ગંગા ટ્રેનમાં ગેસકટરથી બાકોરું પાડીને લાખો રૂપિયાના પાર્સલની ચોરી : સાહગંજ સ્ટેશને ચોરીની જાણ થતા બોગીને સુરત લવાઈ : તપાસ શરૂ : સુરતથી ઉપડેલી તાપ્તી ગંગા ટ્રેનમાં ચોરી ગેસ કટરથી બાકોરું પાડી લાખો રૂપિયાના પાર્સલોની ચોરી થયાનું જાણવા મળે છે ટ્રેન સાહગંજ સ્ટેશને પહોંચતા થઇ ચોરીની જાણ થતા ચોરી થયેલી બોગીને સુરત લવાઈ છે આ સમગ્ર મામલે રેલવે પોલીસ તપાસ હાથ ધરશે access_time 1:11 pm IST