Gujarati News

Gujarati News

News of Friday, 1st June 2018

વિપક્ષોના વહેણ સામે મોદીના નામે સહાનુભૂતિનું મોજુ સર્જવાની ભાજપની ચાલ

મોદી નિઃસ્વાર્થ ભાવે દેશની સેવા કરે છે અને વિપક્ષો પોતાના સ્વાર્થ માટે તેની સામે પડયા છે તેવા પ્રચાર પર જોર લગાવાશે

રાજકોટ તા. ૧ :.. દેશમાં ભાજપ અને વડાપ્રધાન શ્રી મોદીને રાજકીય રીતે પરાસ્ત કરવા વિરોધ પક્ષો એક થઇ રહ્યા છે. કર્ણાટકમાં ભાજપ સામે કોંગ્રેસ અને જે. ડી. એસ. એ. હાથ મિલાવતા સરકાર રચવામાં સફળતા મળી છે. ગઇકાલે યુપી સહિતના રાજયોમાં ધારાસભા અને લોકસભાની પેટાચુંટણીમાં વિપક્ષો સામે ભાજપને જોરદાર લપડાક લાગતા લોકસભાની ચૂંટણી પૂર્વે વિપક્ષી ગઠબંધનની પ્રક્રિયાને વેગ મળ્યો છે.  ભાજપ અને મોદીના રાજકીય તાપ સામે અસ્તિત્વ ટકાવવા વિપક્ષો એકબીજાની નજીક આવી રહ્યા છે. વિપક્ષી ગઠબંધન કેવુ થાય છે અને કેવુ ટકે છે ? તે ભવિષ્યની બાબત છે પરંતુ અત્યારે ભાજપ માટે આ મુદ્ે પડકારરૂપ બની ગયો છે.

વિપક્ષોના ભાજપ વિરોધી સહીયારા વહેણ સામે ભાજપ મોદીના  નામે સહાનુભૂતિનું મોજુ સર્જવાના પ્રયાસમાં દેખાય છે. વિપક્ષો સત્તાના સ્વાર્થ માટે ભેગા થયા છે. અને મોદી તથા ભાજપ નિઃસ્વાર્થ ભાવે દેશ માટે કામ કરે છે. તેવા પ્રચાર પર ભાર મૂકાવાના નિર્દેષ મળી રહ્યા છે.

મજબુત ગઠબંધન ભાજપ માટે કપરી પરિસ્થિતિ સર્જી શકે તે બાબત સામે આવી ગઇ છે. વિપક્ષોના  મતોનું વિભાજન થાય તો  જ ભાજપને ફાયદો થઇ શકે. વિપક્ષી ગઠબંધનને જ ટાર્ગેટ કરવાનો ભાજપનો ઇરાદો છે. ભાજપે તે બાબતનો પ્રચાર પણ શરૂ કરી દીધો છે. મોદીએ પ્રજાલક્ષી કઠોર પગલા લીધા તેથી વિપક્ષોને તેમાંથી પોતાની અસલામતિ દેખાય છે. તેવી વાત ભાજપે શરૂ કરી દીધા છે. 'હું દેશ માટે કામ કરૂ છુ અને બધા વિપક્ષો મારી સામે પડયા છે' તેવા મતલબની વાત શરૂ કરી સહાનુભૂતિ સર્જવાનો પ્રયાસ થવાનો વર્તારો છે. વિકાસની વાતો ચાલતી રહેશે પણ અન્ય રાજકીય મુદા ગૌણ ગણી ભાજપ મુખ્યત્વે વિપક્ષી ગઠબંધનને તોડવા અને વગોવવા માંગે છે.

ભાજપ જો વિપક્ષી એકતા સામે સ્વાર્થના આરોપ લગાવેતો વિપક્ષોએ પણ ભાજપે જુદા જુદા રાજયોમાં કરેલા ગઠબંધન બાબતે સવાલ ઉઠાવવા માંગે છે.  મોંઘવારી, કાળુ નાણુ, બેરોજગારી, અચ્છે દિનના વાયદા વગેરે મુદ્ે વિપક્ષો મોદી સરકાર પર તૂટી પડવાની રણનીતિ બનાવવામાં વ્યસ્ત છે. વિપક્ષો અને શાસકોની યોજના તથા પ્રચારની મતદારો પર કેવી અસર પડે છે તેતો સમય જ બતાવશે.

(1:18 pm IST)
  • અમેરિકાની ચેતવણી છતાં રશિયા પાસેથી હથિયારો ખરીદશે ભારત ;રક્ષા મંત્રલાય રશિયા પાસેથી 40,000 કરોડમાં મિસાઈલ ડિફેન્સ સિસ્ટમ એસ-400ની પાંચ યુનિટ ખરીદવાનો પ્રસ્તાવ સુરક્ષા મામલાની કેબિનેટ કમિટી સમક્ષ મુકશે access_time 1:18 am IST

  • ઉત્તર પ્રદેશમાં સરકારી બંગલો ખાલી કર્યા બાદ પૂર્વ મુખ્યમંત્રી અખિલેશ યાદવે હવે સરકારી સંપત્તિના વીવીઆઇપી ગેસ્ટ હાઉસમાં 4 સ્યુટ રૂમની માંગ કરી : પરિવાર સાથે લખનૌમાંજ રહેવા માંગ્યા ૪ રૂમ access_time 1:58 pm IST

  • ખેડૂત આંદોલન : પંજાબમાં રસ્‍તા પર ફેંકાયા શાકભાજી : મંદસૌરમાં દૂધ-શાકભાજી સપ્‍લાય ઉપર પ્રતિબંધ access_time 12:35 pm IST