Gujarati News

Gujarati News

News of Friday, 1st June 2018

GST : ખરીદદાર-વેચાણકર્તાએ હવે અલગથી રિટર્ન ફોર્મ નહીં ભરવું પડે : ઇનવોઇસ જનરેટ થશે

તમામ વિગતો મન્‍થલી રીટર્નમાં જોવા મળશે રિફંડ માટે ખાસ અભિયાન : કેન્‍દ્ર સરકારે રિફંડ માટે ૩૦ હજાર કરોડથી વધુના રિફંડ ચૂકવવા મંજૂરી આપી દીધી

રાજકોટ, તા. ૧ : જીએસટીએન વેબ પોર્ટલ પર ઇ વે બિલની જેમ જ ઓન લાઇન ઇનવોઇસ બનાવીને જનરેટ કરી શકાશે. નવી સિસ્‍ટમ્‍સ પ્રમાણે ખરીદદાર અને વેચાણકર્તા વેપારીઓએ ઇનવોઇસ એટલે કે પ્રાથમિક બિલ જીએસટીના વેબપોર્ટલ ઉપર બનાવવાનું રહેશે. આ સિસ્‍ટમ્‍સથી વેપારીને જીએસટી રિટર્ન ફોર્મ અલગથી ભરવું નહીં પડે. એક જ વખત વેપારી ઇનવોઇસ બનાવશે કે પોર્ટલ પર જનરેટ કરશે તેની સાથે જ તેની તમામ વિગતો મન્‍થલી રીટર્નમાં ડિસ્‍પ્‍લે થઇ જશે.

હાલમાં જીએસટીઆર ૧બીમાં તમામ બિલ ઇનવોઇસ બનાવ્‍યા હોય તે પ્રમાણેના ડેટા ફીડ કરીને રિટર્ન ફાઇલ કરાય છે. ઇલેકટ્રોનિક ઇનવોઇસ સિસ્‍ટમ્‍સ શરૂ થાય બાદ વેપારીઓને વ્‍યકિતગત એકાઉન્‍ટ સિસ્‍ટમ્‍સ મેન્‍ટેન કરવાની જરૂરીયાત રહેશે નહીં.

દરમિયાન કરોડો રૂપિયાના રિફંડ ચૂકવણી બાકી રહ્યા હતાં જેને લઇને વેપારીઓએ દિલ્‍હી સુધી રજૂઆત કરી હતી, જેને પગલે કેન્‍દ્રે જીએસટી રિફંડ માટે રૂા. ૩૦ હજાર કરોડથી વધુની રકમને મંજૂરી આપી દીધી છે.

આઇજીએસટીના રૂા. ૧૬ હજાર કરોડ અને આઇટીસી ઇનપુટ ટેકસ ક્રેડીટના રૂા. ૧૪ હજાર કરોડ સામેલ છે. ઇન ટેકસ ક્રેડીટના આંકડામાં કેન્‍દ્ર અને રાજય સરકાર દ્વારા આપેલી મંજૂરી સામેલ છે.

જીએસટી કાઉન્‍સીલ દ્વારા વેપારીઓના રિફંડ પરત આપવા માટે આગામી તા. ૧૪ જૂન ર૦૧૮ સુધી સ્‍પેશિયલ અભિયાન શરૂ કરી રહી છે. આ સમયગાળા દરમિયાન સરકાર પેન્‍ડીંગ રિફંડના દાવાઓ પર ફોકસ કરશે.

સરકારના પરિપત્રમાં ઇનપુટ ટેકસ ક્રેડીટ, સ્‍પેશિયલ ઇકોનોમી ઝોનના રિફંડ ઓર્ડર કલેઇમ સંબંધિત વિવાદિત મુદે વધુ સ્‍પષ્‍ટીકરણ કરાયું છે.

(10:58 am IST)
  • ઉત્તર પ્રદેશમાં સરકારી બંગલો ખાલી કર્યા બાદ પૂર્વ મુખ્યમંત્રી અખિલેશ યાદવે હવે સરકારી સંપત્તિના વીવીઆઇપી ગેસ્ટ હાઉસમાં 4 સ્યુટ રૂમની માંગ કરી : પરિવાર સાથે લખનૌમાંજ રહેવા માંગ્યા ૪ રૂમ access_time 1:58 pm IST

  • પાકિસ્તાન છેલ્લા 70 વર્ષના ઇતિહાસમાં ચૂંટાયેલી સરકારે બીજીવાર પોતાનો કાર્યકાળ પૂરો કર્યો : મોટાભાગે દેશની સેનાએ જ શાસન કર્યું હતું :પાકિસ્તાનની પીએમએલ (એન )સરકારે પાંચ વર્ષ પુરા કર્યા :સંસદીય મામલાના મંત્રાલયે 31મી મેના મધ્યરાત્રીએ 14મી નેશનલ એસેમ્બલી ભંગ થયાની જાહેરાત કરી છે: હવે 25મી જુલાઈએ સામાન્ય ચૂંટણી સુધી દેશનું કાર્યવાહક વ્યવસ્થા સંચાલન કરશે access_time 12:55 am IST

  • ખેડા:યાત્રાધામ વડતાલના ગોમતી તળાવમાં 25 વષર્ય યુવક ડુબ્યો : સુરતનો રહેવાસી યુવક પરીવાર સાથે વડતાલ દશર્ન કરવા આવ્યો હતો : ચકલાસી પોલીસને જાણ કરાતા ફાઈયર બ્રિગેડ અને પોલીસનો કાફલો ઘટના સ્થળે : ફાયર બ્રિગેડ ઘ્વારા ડૂબેલ યુવકની શોધખોળ ચાલુ access_time 8:34 pm IST