Gujarati News

Gujarati News

News of Friday, 1st June 2018

પ્રીપેડ ગ્રાહકો માટે ખુશખબર

Jioની હોલિડે હંગામા ઓફરઃ ૨૯૯ રૂપિયામાં મળશે ૩૯૯ની ઓફર

નવી દિલ્હી તા. ૧ : રિલાયન્સ જિયોએ પોસ્ટપેઇડ ગ્રાહકોને ભેટ આપ્યા બાદ હવે પ્રીપેડ યુઝર્સ માટે 'હોલિડે હંગામા ઓફર'રજૂ કરી છે, જે અંતર્ગત કંપનીએ ૩૯૯ રૂપિયાનો તેનો પ્લાન માત્ર ૨૯૯ રૂપિયામાં આપવાની ઓફર કરી છે. જોકે આ ૧૦૦ રૂપિયાનું ઇન્સ્ટન્ટ ડિસ્કાઉન્ટ પ્રીપેડ યુઝર્સને 'માય જિયો એપ'થી મળશે, જે ફોન પે દ્વારા ચૂકવશે.

કંપનીની આ ઓફર ૧ જૂનથી ૧૫ જૂન, ૨૦૧૮ સુધી રહેશે. સપ્ટેમ્બર, ૨૦૧૬માં પોતાના લોન્ચિંગ બાદથી જ અલગ અલગ ઓફર્સથી ટેલિકોમ માર્કેટમાં ધૂમ મચાવી દેનારી જિયોની આ ઓફર ફરી એક વાર હરીફાઈ વધારી શકે છે અને અન્ય કંપનીઓ પ્રાઇવ વોરના દબાણમાં આવી શકે છે.

જિયોનો ૩૯૯ રૂપિયાનો પ્લાન ૧૦૦ રૂપિયાના ઇન્સ્ટન્ટ ડિસ્કાઉન્ટ બાદ રૂ. ૨૯૯માં ઉપલબ્ધ છે. કંપની તરફથી આપવામાં આવતા ૧૦૦ રૂપિયાના આ ઇન્સ્ટન્ટ ડિસ્કાઉન્ટમાં બે મુખ્ય કમ્પોનેન્ટનો સમાવેશ થાય છે.

(૧) જે પ્રીપેડ યુઝર્સ જિયો એપ દ્વારા રિચાર્જ કરશે તેમને ૫૦ રૂપિયાનું કેશબેક વાઉચર મળશે. (૨) જિયો એપ પર ફોન પે દ્વારા જો તમે પેમેન્ટ કરશો તો તમને ૫૦ રૂપિયાનું કેશબેક મળશે.

કંપનીની આ ઓફર સીમિત સમય માટે જ છે. ૧૫ જૂન, ૨૦૧૮ સુધી જ તેનો લાભ લઈ શકો છો. કંપનીએ હોલિડે સિઝનમાં તેને લોન્ચ કરી છે અને તેથી આ ઓફરને 'હોલિડે હંગામા'નામ આપવામાં આવ્યું છે.

નવી ઓફરમાં જિયોની અનલિમિટેડ મંથલી સર્વિસીસ ઓફર માત્ર ૧૦૦ રૂપિયામાં મળશે. તે અંતર્ગત ૧.૫ જીબી ડેટા રોજ મળશે. ઉલ્લેખનીય છે કે, રિલાયન્સ જિયોની ૩૯૯ રૂપિયાની ઓફર ત્રણ મહિના માટે હોય છે. આવામાં જો રૂ. ૧૦૦નું ડિસ્કાઉન્ટ ઘટાડી દઈએ તો રૂ. ૨૯૯ જ રહે છે. આ હિસાબે માસિક ખર્ચ આપશો તો એક પ્રીપેડ યુઝરને મહિને રૂ. ૧૦૦ જ ખર્ચ કરવા પડશે.

(10:35 am IST)
  • સુરતથી ઉપડેલી તાપ્તી ગંગા ટ્રેનમાં ગેસકટરથી બાકોરું પાડીને લાખો રૂપિયાના પાર્સલની ચોરી : સાહગંજ સ્ટેશને ચોરીની જાણ થતા બોગીને સુરત લવાઈ : તપાસ શરૂ : સુરતથી ઉપડેલી તાપ્તી ગંગા ટ્રેનમાં ચોરી ગેસ કટરથી બાકોરું પાડી લાખો રૂપિયાના પાર્સલોની ચોરી થયાનું જાણવા મળે છે ટ્રેન સાહગંજ સ્ટેશને પહોંચતા થઇ ચોરીની જાણ થતા ચોરી થયેલી બોગીને સુરત લવાઈ છે આ સમગ્ર મામલે રેલવે પોલીસ તપાસ હાથ ધરશે access_time 1:11 pm IST

  • આંધ્રપ્રદેશ સરકાર 35 વર્ષ સુધીના ગ્રેજ્યુએટ બેરોજગારોને આપશે દરમહિને 1000નું ભથ્થું :રાજ્યના માહિતી મંત્રીએ કહ્યું કે યોજનાનો અંદાજે 10 લાખ બેરોજગારોને લાભ મળશે :આ યોજના માટે રાજ્ય સરકારે 1200 કરોડની ફાળવણી કરીછે access_time 1:10 am IST

  • બોધગયા બ્‍લાસ્‍ટઃ ઇન્‍ડીયન મુજાહીદદીનના પ ત્રાસવાદીઓને આજીવન કેદની સજા ફરમાવાઇ access_time 4:16 pm IST