Gujarati News

નવી દિલ્હી:ભારતના PM મોદીએ ગ્લોબલ લીડર એપ્રુવલ રેટિંગમાં 21 વિશ્વ નેતાઓને પાછળ છોડીને ટોચનું સ્થાન મેળવ્યું છે. વિશ્વના નેતાઓમાં સૌથી વધુ સારું કામ કરનારા રાજકારણી તરીકે પીએમ મોદીને સૌથી વધુ પસંદ કરવામાં આવ્યા છે. તેમના પછી મેક્સિકોના રાષ્ટ્રપતિ એન્ડ્રેસ મેન્યુઅલ લોપેઝ ઓબ્રાડોર બીજા નંબરે છે જ્યારે ઓસ્ટ્રેલિયાના PM એન્થોની અલ્બેનિસ ત્રીજા નંબરે છે. આ રેટિંગ માર્ચના છેલ્લા એક સપ્તાહ માટે છે.

22 થી 28 માર્ચ સુધીના ગ્લોબલ લીડર એપ્રુવલ રેટિંગમાં PM મોદીને વિશ્વના 76 ટકાએ પસંદ કર્યા છે. 100 ટકા લોકોમાંથી 5 ટકા લોકોએ તેમના વિશે કોઈ અભિપ્રાય વ્યક્ત કર્યો નથી, જ્યારે 19 ટકા લોકોએ તેમને નાપસંદ કર્યા છે.

બીજી તરફ, મેક્સિકોના રાષ્ટ્રપતિ એન્ડ્રેસ મેન્યુઅલ લોપેઝ ઓબ્રાડોરને 61 ટકા લોકોએ એક સારા રાજકારણી તરીકે પસંદ કર્યા છે. અને 4 ટકા લોકોએ તેમના વિશે કોઈ અભિપ્રાય વ્યક્ત કર્યો નથી. તેને 34 ટકા લોકોએ નાપસંદ કર્યો છે. ત્રીજા નંબરે, 55 ટકા લોકોએ ઓસ્ટ્રેલિયાના PM એન્થોની અલ્બેનીઝને એક સારા રાજકારણી તરીકે વખાણ્યા છે, જ્યારે 12 ટકા લોકોએ કહ્યું કે તેઓ તેમના વિશે કશું જાણતા નથી. 32 ટકા લોકોએ તેમને સારા નેતા તરીકે નકારી કાઢ્યા છે.

પીએમ મોદીએ એક સપ્તાહમાં અમેરિકી રાષ્ટ્રપતિ જો બિડેન, કેનેડાના પીએમ જસ્ટિન ટ્રુડો જેવા પ્રખ્યાત નેતાઓને પણ તેમના પ્રિય રાજનેતા તરીકે પાછળ છોડી દીધા છે. આ એપ્રુવલ રેટિંગમાં યુએસ પ્રેસિડેન્ટ જો બિડેન 41 ટકા લાઈકર્સ સાથે છઠ્ઠા નંબર પર છે, જ્યારે જસ્ટિન ટ્રુડો 39 ટકા સાથે સાતમા નંબર પર છે. બ્રિટનના PM ઋષિ સુનક 34 ટકા સાથે 10માં નંબરે છે.