Gujarati News

Gujarati News

News of Monday, 1st March 2021

કોરોનાએ વધાર્યુ ટેન્શન

તામિલનાડુમાં ચૂંટણી પહેલા ૩૧ માર્ચ સુધી લોકડાઉન લંબાવાયું

ચેન્નાઇ, તા.૧: કોરોના વાયરસના સંકટના કારણે તમિલનાડુમાં ૩૧ માર્ચ સુધી લોકડાઉનને લંબાવી દેવામાં આવ્યું છે. રવિવારે આ નિર્ણયની જાહેરાત કરવામાં આવી છે અને સાથે સાથે તંત્રને આદેશ આપવામાં આવ્યા છે કે કોરોના સામે લડવામાં જે તે નિયમોનું કડકપણે પાલન કરાવવામાં આવે.

રાજયમાં હવે ચૂંટણી થવા જઈ રહી છે અને તેમાં કોરોના વાયરસના વધતાં કેસના કારણે સરકારની ચિંતામાં વધારો થયો છે જે બાદ આ નિર્ણય લેવામાં આવ્યો છે. નોંધનીય છે કે રવિવારે રાજયમાં કોરોના વાયરસના નવા ૪૭૯ કેસ સામે આવ્યા છે અને ૩ના મોત થાય છે. રાજયમાં સંક્રમિત કેસની કુલ સંખ્યા ૮.૫૧ લાખ થઈ ગઈ છે.

તમિલનાડુમાં જાહેર નોટિફિકેશનમાં કહેવામાં આવ્યું છે કે કોરોના વાયરસના કારણે ૩૧ માર્ચ સુધી લોકડાઉન લંબાવવામાં આવે છે. આ સિવાય સાર્વજનિક સ્થળો પર માસ્ક પહેરવું જરૂરી રહેશે તથા દુકાનોમાં સોશ્યલ ડિસ્ટન્સ જાળવવાનું રહેશે. કોરોના વાયરસ સામે કન્ટેનમેન્ટ ઝોનમાં સતર્કતા રાખવાના આદેશ આપવામાં આવ્યા છે. જાહેર જગ્યાઓ પર વારંવાર સેનેટાઈઝ કરવાની સાથે સાથે થર્મલ સ્કેનિંગને લઈને પણ સતર્કતા રાખવાના આદેશ આપવામાં આવ્યા છે. 

નોંધનીય છે કે ભારતમાં કોરોના વાયરસના કેસમાં છેલ્લા થોડા દિવસથી ફરીથી વધારો જોવા મળી રહ્યો છે. મહારાષ્ટ્ર, કેરળ, પંજાબ, કર્ણાટક, તમિલનાડુ અને ગુજરાતમાં કેસમાં વધારો જોવા મળી રહ્યો છે ત્યારે કોરોના વાયરસની નવી લહેરની શકયતાને જોતાં વિવિધ રાજય સરકારોને સતર્ક થઈ જવાના આદેશ કેન્દ્ર દ્વારા આપવામાં આવ્યા છે.

(11:47 am IST)
  • દેશમાં કોરોનાના સતત વધતા કેસથી ચિંતા :એક્ટિવ કેસની સંખ્યામાં પણ વધારો : રાત્રે 11 વાગ્યા સુધીમાં કોરોનાના નવા 11,563 કેસ નોંધાયા :કુલ કેસની સંખ્યા 1,11,23,619 થઇ :એક્ટિવ કેસ 1,65,199 થયા વધુ 11,990 દર્દીઓ સ્વસ્થ થતા કુલ 1,07,96,588 થયા :વધુ 80 લોકોના મોત સાથે કુલ મૃત્યુઆંક 1,57,275 થયા access_time 1:28 am IST

  • દેશમાં વિભાજનકારી તાકાત સામે લડવા એકજુટ અને મજબૂત રહે કોંગ્રેસ :જમ્મુ કાશ્મીરના પૂર્વ મુખ્યમંત્રી ફારૂક અબ્દુલ્લાએ કહ્યું કે જ્યાં સુધી આતંકવાદના મૂળ કારણ પ્રહાર નહિ કરાય ત્યાં સુધી આતંકવાદી લોકોને પોતાના શિકાર બનાવતા રહેશે : access_time 11:22 pm IST

  • નરેન્દ્ર ભાઈ પછી કેન્દ્રીય ગૃહમંત્રી અમિતભાઈ પણ આજે જ કોરોના વાયરસની રસી મૂકાવી રહ્ના છે. અમિતભાઈ પોતાનાં નિવાસસ્થાને કોરોનાની રસી મુકાવશે. મેદાંતા હોસ્પિટલનાં ડો.સુશીલા વેક્સિનનો પ્રથમ ડોઝ આપશે. અમિતભાઈ શાહને ભારત બાયોટેકની કોવેક્સિનની રસી આપવામાં આવી રહી છે. નરેન્દ્રભાઈઍ પણ આ જ વેકસીન મુકાવી હતી. access_time 11:16 am IST