Gujarati News

Gujarati News

News of Monday, 1st March 2021

અવળચંડા પાકિસ્તાને 17 ભારતીય માછીમારોની ધરપકડ કરી : ત્રણ હોડીઓ જપ્ત કરી લઇ ગયું

તમામની ધરપકડ કરીને કોર્ટમાં રજૂ કર્યા બાદ પોલીસને સોંપી દેવાયા

નવી દિલ્હી : એલઓસી પર અવાર નવાર યુદ્ધ વિરામ ભંગ કરનારા પાકિસ્તાને 17 ભારતીય માછીમારોની ધરપકડ કરી લીધી હતી, પાકિસ્તાન તેમની 3 હોડીઓને પણ જપ્ત કરી લઇ ગયું હતું. પાકિસ્તાન મુજબ 17 ભારતીય માછીમારો તેની દરિયાઇ સહરદમાં પ્રવેશી ગયા હતા અને ચેતવણી આપવા છતાં પાછા ફર્યા ન હતા, જે પછી તમામની ધરપકડ કરવામાં આવી અને કોર્ટમાં રજૂ કર્યા બાદ પોલીસને સોંપી દેવામાં આવ્યા હતા.

આ અંગે માહિતી આપતા એક પાકિસ્તાની અધિકારીનું કહેવુ હતું કે ભારતીય માછીમારોને પાકિસ્તાનના દરિયાઇ વિસ્તારને છોડી દેવા માટે જણાવવામાં આવ્યું હતું, પરંતુ આ ચેતવણીને તેમણે માની નહીં જે પછી કાર્યવાહી કરતા તેમની ધરપકડ કરવામાં આવી હતી.

પાકિસ્તાનના જણાવ્યા મુજબ ભારતીય માછીમારો પાકિસ્તાનની દરિયાઇ સરહદ પાર કરી આશરે 10-15 દરિયાઇ મીલ અંદર ચાલ્યા ગયા હતા.

પાકિસ્તાન દ્વારા આ પ્રકારની માછીમારોની ધરપકડ આશરે એક વર્ષ પછી કરવામાં આવી હતી. આ પહેલા તે 23 ભારતીય માછીમારોને પકડી ચૂક્યુ હતું.

ઉલ્લેખનીય ચે કે, ભારત અને પાકિસ્તાન વચ્ચે અરબ સાગરમાં દરિયાઇ સરહદને લઇને કોઇ સ્પષ્ટતા ન હોવાથી બંને દેશો એકબીજાના માછીમારોને પકડતા આવ્યા છે, માછીમારો પાસે ચોક્કસ સ્થાનની માહિતી માટે મોટેભાગે ટેકનિકલ સિસ્ટમનો અભાવ હોય છે. આથી તેઓ આ પ્રકારની ગંભીર ભૂલો કરી બેસે છે. પરંતુ લાંબી કાયદાકીય પ્રક્રિયાને કારણે મહિનાઓ સુધી જેલમાં સડવાનો વારો આવે છે, આવી ધરપકડોમાં અનેક કેસ એવા પણ છે જ્યાં મુક્ત થતાં વર્ષો નીકળી જાય છે.

(9:02 am IST)
  • દેશમાં વિભાજનકારી તાકાત સામે લડવા એકજુટ અને મજબૂત રહે કોંગ્રેસ :જમ્મુ કાશ્મીરના પૂર્વ મુખ્યમંત્રી ફારૂક અબ્દુલ્લાએ કહ્યું કે જ્યાં સુધી આતંકવાદના મૂળ કારણ પ્રહાર નહિ કરાય ત્યાં સુધી આતંકવાદી લોકોને પોતાના શિકાર બનાવતા રહેશે : access_time 11:22 pm IST

  • મહારાષ્ટ્રમાં ફરી કોરોના બેકાબૂ બનતો જાય છેઃ બીજી લહેર શરૂ થયાના એંધાણઃ હીંગોલી શહેરમાં એક અઠવાડિયાનો કફર્યું: અનેક શહેરોમાં એક અઠવાડિયાનો કફર્યું: અનેક શહેરોમાં વધુ માત્રામાં કોરોના દર્દીઓ મળતાં જાય છેઃ પુણેમાં રાત્રી કફર્યુ ૧૪ માર્ચ સુધી લંબાવી દેવામાં આવ્યોઃ રાજયમાં ફરી આકરા લોકડાઉનની તૈયારી ? નાગપુર- અમરાવતીમાં વીક એન્ડ કર્ફયુ access_time 4:26 pm IST

  • મમતા બેનરજીનો ધ્રુજારો : લાલુપ્રસાદ યાદવના આરજેડી પક્ષના તેજસ્વી યાદવને સાથેની બેઠક પછી પશ્ચિમ બંગાળના તેજતર્રાર મુખ્યમંત્રી મમતા બેનરજીએ સ્પષ્ટ કહ્યું હતું કે ચૂંટણી પંચનો કંટ્રોલ ભાજપ કરે તેવું અમને માન્ય નથી. access_time 7:41 pm IST