Gujarati News

નવી દિલ્હી: બેંકિંગ ધિરાણ 6.05 ટકા વધ્યું છે જ્યારે થાપણોમાં 11.33 ટકાનો વધારો થયો. બેંકોનું કુલ ધિરાણ રૂ. 105.49 લાખ કરોડ અને થાપણો રૂ .144.82 લાખ કરોડ થઈ ગઈ છે. આ આંકડો 5 થી 18 ડિસેમ્બરની વચ્ચેનો છે, જેને રિઝર્વ બેંક દ્વારા બહાર પાડવામાં આવ્યો છે. એક વર્ષ પહેલા 20 ડિસેમ્બરના પખવાડિયામાં બેંકોનું કુલ ધિરાણ 99.47 લાખ કરોડ રૂપિયા હતું જ્યારે થાપણો 130.09 લાખ કરોડ રૂપિયા હતી.

રિઝર્વ બેન્કે નવેમ્બર મહિના માટે ઉદ્યોગના ડેટા પણ જાહેર કર્યા છે. ફૂડ પ્રોસેસિંગ, પેટ્રોલિયમ, કોલસાનું ઉત્પાદન અને ન્યૂક્લિયર ઈંધણ, લેધર અને લેધરના ઉત્પાદનો, પેપર અને પેપર પ્રોડકટ્સ, માઈનિંગ, ગ્લાસ અને ગ્લાસવેર, ટેક્સટાઈલ, બેવરેજીસ અને તમાકુ અને વાહનો અને વાહનોનાં પાર્ટ્સ અને ટ્રાન્સપોર્ટ ઈક્વિપમેન્ટમાં સારી વૃદ્ધિ જોવા મળી છે. એટલું જ નહીં, પર્સનલ લોનમાં પણ સારી વૃદ્ધિ જોવા મળી છે.

રબર, પ્લાસ્ટિક અને તેના ઉત્પાદનો, સિમેન્ટ અને સિમેન્ટ ઉત્પાદનો, તમામ એન્જિનિયરિંગ, જેમ્સ એન્ડ જ્વેલરી, ઇન્ફ્રા અને મેટલ ઉત્પાદનોમાં ધિરાણની માંગમાં ઘટાડો થયો છે. સેવા ક્ષેત્રે ધિરાણમાં નવેમ્બરમાં 8.8%ની વૃદ્ધિ થઈ છે, જે નવેમ્બર 2019માં વધીને 4.8% થયો હતો. એક વર્ષ અગાઉના 16.4%ની તુલનામાં પર્સનલ લોનમાં 10%નો વધારો થયો છે. નવેમ્બરમાં વ્હીકલ લોન એક વર્ષ અગાઉ 4.7%ની સરખામણીએ 10% વધી છે.

રિઝર્વ બેંકના આંકડા મુજબ, 4 ડિસેમ્બરના રોજ પૂરા થયેલા પખવાડિયામાં બેંકોની ક્રેડિટ ગ્રોથ 5.73% રહી હતી, જે રૂ. 105.04 લાખ કરોડ હતી. તે જ સમયગાળા દરમિયાન થાપણો 11.34% વધીને રૂ. 145.92 લાખ કરોડ થઈ છે. નોન-ફૂડ ક્રેડિટ નવેમ્બરમાં 6% વધ્યું હતું, જેની તુલના ઓક્ટોબરમાં 7.2% હતું. એક વર્ષ પહેલા સમાન મહિનામાં તે 8.3% વધ્યું હતું.