૧૪.૭૭ સેકન્ડમાં ૨૦૦ ફુગ્ગા ફોડવાનો રેકોર્ડ

લંડન તા ૨૭  :  આપણે જો જીવનમાં એકાદ પણ વિશ્વવિક્રમ બનાવી દઇએ તો કોલર ટાઇટ કરતા ફરીએ, પણ અમેરિકાના ડેવિડ રશ નામના ભાઇને વર્લ્ડ રેકોડ્ર્સ બનાવવાનું વળગણ થઇ ગયું છે. અત્યાર સુધીમાં ભાઇએ ૧૦૦ થી વધુ વાર ગિનેશ વર્લ્ડ રેકોડ્ર્સમાં નામ નોંધાવી લીધું છે. ટૂથપિકની મદદથી સોૈથી વધુ મકાઇના દાણા ખાવા માટે ફાલતુ લાગે એવી વાતમાં પણ તેમને કોઇ પહોંચી શકે એમ નથી એવું તેમણે સાબિત કરી દીધું છે. તાજેતરમાં ડેવિડે ૨૦૦ બલૂન્સ ફોડવાનો રેકોર્ડ તોડવાનો પ્રયત્ન કરેલો. આ પહેલા ૨૦૧૪માં ન્યુયોર્કના આશ્રિત ફરમન નામના ભાઇએ ૩૩.૭૪ સેકન્ડમાં ૨૦૦ બલુન્સ ખીલાથી ફોડયા હતા. જોકે નોકસવિલમાં ડેવિડ રશે કરેલા પ્રયત્નમાં તેણે ૨૦૦ બલુન્સનો ટાર્ગેટ જસ્ટ ૧૪.૭૭ સેકન્ડમા઼ અચીવ કરી લીધો હતો અને વધુ એક વિક્રમ પોતાના નામે કરી લીધો છે.