કેન્સર સહીત ડાયાબિટીસના દર્દથી બચવા માટે જાંબલી રંગના ટામેટા કરવામાં આવ્યા તૈયાર

નવી દિલ્હી: US ડિપાર્ટમેન્ટ ઓફ એગ્રીકલ્ચરે તાજેતરમાં જાંબુડિયા ટામેટાંના વેચાણને મંજૂરી આપી છે. આવતા વર્ષે તે અમેરિકન શાક માર્કેટમાં પણ વેચવામાં આવશે. જો તમને લાલ અને ક્યારેક પીળા ટામેટાં ખાવાનો કંટાળો આવતો હોય તો જાંબલી ટામેટાં અજમાવી શકાય. કારણ કે વૈજ્ઞાનિકોનો દાવો છે કે તેમાં સામાન્ય ટામેટાં કરતાં વધુ એન્ટીઓક્સીડેન્ટ હોય છે. કેન્સર સામે લડવાની ક્ષમતા ધરાવે છે.

વર્ષ 2004. ડિસેમ્બર મહિનો. જ્યારે છોડના વૈજ્ઞાનિક કેથી માર્ટિન તેના ગ્રીનહાઉસમાં ગયા અને તેના ટામેટાં જોવા લાગ્યા. નાના ટામેટાં હતા. અંગૂઠાના કદના અને લીલા રંગ ના જ હતા. આ નાના ટામેટાંનો સંશોધન પ્રયોગશાળાઓમાં ઘણો ઉપયોગ થાય છે. જ્યારે તે પાકી જાય છે ત્યારે તે સામાન્ય રીતે લાલ થઈ જાય છે. પરંતુ જ્યારે કેથી માર્ટિન ક્રિસમસ પછી ગ્રીનહાઉસમાં આવી ત્યારે ટામેટાં જાંબલી થઈ ગયા હતા. તેણે અગાઉથી આની અપેક્ષા રાખી હતી. ઈંગ્લેન્ડના જ્હોન ઈન્સ સેન્ટરમાં, કેથી અને તેના સાથીદારો એન્થોસાયનિનનું વધુ પ્રમાણ ધરાવતા ટામેટાં બનાવવાનો પ્રયાસ કરી રહ્યા હતા. તે એક એન્ટીઑકિસડન્ટનું ઉચ્ચ સ્તર છે જે સામાન્ય રીતે બ્લેકબેરી અને બ્લૂબેરીમાં જોવા મળે છે, આ પછી, કેથી અને તેની ટીમે સ્નેપડ્રેગન ફૂલમાંથી બે જનીન લીધા અને તેને ટામેટામાં નાખ્યા. આ બંને જનીનો એન્થોસાયનિન ઉત્પન્ન કરવા માટે જવાબદાર છે.