અમેરિકાના ફ્લોરિડામાં એક વૃદ્ધ મહિલાને પોતાનું બેંક બેલેન્સ ચેક કરતા હોશ ઉડી ગયા

નવી દિલ્હી: અમેરિકાના ફ્લોરિડામાં એક વૃદ્ધ મહિલાએ જ્યારે પોતાનું બેંક બેલેન્સ જોયું તો તેના હોંશ ઉડી ગયા, તેણે ક્યારેય વિચાર્યું પણ નહોતું કે તેના ખાતામાં આટલી મોટી રકમ આવશે. આ રકમ લગભગ એક બિલિયન ડૉલર એટલે કે લગભગ અબજો રૂપિયામાં હતી. બેંક અધિકારીએ જ્યારે વૃદ્ધાને આની જાણકારી આપી તો આખા મામલાનો ખુલાસો થયો.

આ વૃદ્ધ મહિલા 20 ડૉલર એટલે કે 1400 રૂપિયા ઉપાડવા માટે ગઇ હતી. પણ ઉપાડતા સમયે ATM મશીને એલર્ટ કર્યું કે આ રકમ ઉપાડવા પર તેમણે ચાર્જ આપવો પડશે. મશીન દ્વારા આપવામાં આવેલી ચેતવણીને ધ્યાનમાં ન લેતા તેમણે આ ટ્રાન્ઝક્શન ચાલું રાખ્યું. ત્યાર પછી જુલિયાએ પોતાનું બેંક બેલેન્સ ચેક કર્યું તો તેના હોંશ ઉડી ગયા. બેંક રસીદમાં તેના ખાતામાં 999,985,855.94 ડૉલર એટલે કે લગભગ 7417 કરોડ રૂપિયા હતા.