૪૭ વર્ષના દુનિયાના સૌથી જવાન દાદીમાઃ બે બાળકોના લગ્ન પણ થઇ ચૂક્યા છે

સિડનીઃ દુનિયાના સૌથી જુવાન દાદીમા ૪૭ વર્ષીય જીના સ્‍ટુઅર્ટ છે. જેના બે બાળકોના લગ્ન પણ થઇ ચૂક્યા છે. તેની સુંદરતા જોઈને તમને વિશ્વાસ નહીં થાય કે તે દાદી બની ચૂકી છે. 47 વર્ષીય જીના સ્ટુઅર્ટને દુનિયાની સૌથી સુંદર દાદીમા કહેવામાં આવે છે. તેના ઈન્સ્ટાગ્રામ પર 74 હજારથી વધુ ફોલોઅર્સ છે. જીનાને ચાર સંતાનો (બે છોકરા અને બે છોકરીઓ) છે. જેમાંથી બે બાળકોના લગ્ન થઈ ચૂક્યા છે. ગત વર્ષે તે દાદી બની.

જીના આ વર્ષે મિસ ઓસ્ટ્રેલિયા કોન્ટેસ્ટમાં ભાગ લેવા જઈ રહી છે. તે 18 વર્ષની યુવતીઓને ટક્કર આપતી જોવા મળશે. તેને આશા છે કે આ સ્પર્ધા તે જીતશે. એક સમાચારપત્રને આપેલા ઈન્ટરવ્યૂ મુજબ તેણે ક્યારેય કોઈ સર્જરી કરાવી નથી. દાવો છે કે તેની સુંદરતા નેચરલ છે.

જીનાએ કહ્યું કે, ‘હું કોઈ પણ પ્રકારના કેમિકલ પ્રોડક્ટનો ઉપયોગ કરતી નથી. હું વાળમાં નારિયેળનું તેલ લગાવું છું અને આર્ગેનિક મોસ્ચુરાઈઝરનો જ ઉપયોગ કરું છું. તેની સુંદરતાનું રહસ્ય ગુલાબનું તેલ છે. તે એન્ટી એજિંગ છે. રોજ તેનો ઉપયોગ કરે છે.’