અમેરિકામાં સીગારેટના પેકેટ પર 'મૃત્યુકારક' લખવું ફરજિયાત
વોશિંગ્ટન, તા. ૧૯ :. તમાકુ ઉત્પાદનો પર મૃત્યુકારક અને વ્યસનકારક લખવાનો નવો કાયદો સોમવારથી અમલમાં આવ્યો છે અને બીજા નિયમો પણ આવી રહ્યા છે.
અલ્ટ્રીઆ, આર.જે. રેનોલ્ડસ ટોબેકો, બોરીલાર્ડ અને ફીલીપ મોરીસ જેવી કંપનીઓને સ્ટેટમેન્ટમાં ગયા મહિને ફેકરલ કોર્ટે આપેલા રૂલીંગ પછી ૧૮ જૂન સુધીમાં સુધારા કરવાનો આદેશ ઓનલાઈન અપાયો છે. સુધારેલ સ્ટેટમેન્ટમાં ધુમ્રપાનથી મોત, નીકોટીનને લીધે વ્યસન થવું, તંદુરસ્તીમાં કોઈ ફાયદો નથી થતો જેવી પાંચ બાબતોનો સમાવેશ છે.
તેમણે સીગારેટના ધુમાડાની બાજુમાં રહેલા લોકો પર થતી અસર, સીગારેટમાં કેમીકલના મિશ્રણથી નીકોટીન વધારીને વધારે વ્યસની બનાવવા જેવી બાબતોનો રીપોર્ટમાં ખુલાસો આપવો પડશે.
યુ.એસ. ડીસ્ટ્રીકટ જજ ગ્લેડીસ કેસલરના ૨૦૦૬ના રૂલીંગમાં તેમણે કહ્યું હતુ કે તમાકુ કંપનીઓએ સીવીલ રેકેટીંગ કાયદાનો ભંગ કર્યો છે અને ધુમ્રપાનની આરોગ્ય પર થતી અસરો બાબતે અમેરીકન લોકોને કાયદાઓથી છેતર્યા છે તથા પોતાના માર્કેટીંગ દ્વારા બાળકોને તેના સકંજામાં લઈ રહ્યા છે.