સોશ્યલ મીડિયા પર જામ્યો છે ટ્રાયેન્ગલ ડાન્સનો ટ્રેન્ડ

ગયા મહિને ટિક ટોક એપ પર એક ગ્રુપે લોકોને ટ્રાયેન્ગલ ડાન્સની ચેલેન્જ આપી હતી જેને ડાન્સરસિયા લોકોએ જબરો પ્રતિસાદ આપ્યો છે. કપલ ડાન્સમાં જેમ બે જણ સાથે ડાન્સ કરતા હોય એમ ટ્રાયેન્ગલ ડાન્સમાં ત્રણ જણ સાથે ડાન્સ કરે છે. એમાં શરત એ છે કે ત્રણેય જણે એકબીજાને પકડી રાખીને રોમેન્ટિક ડાન્સ કરતા હોય એવું દેખાડવું પડે છે. આમ જોવા જઇએ તો બહુ સિમ્પલ લાગે એવી ચેલેન્જ છે, પણ કેટલાક લોકોને એ પણ નથી ફાવતું, જો કે સોશ્યલ મીડિયા પર યુવાનો, વૃદ્ધો, બાળકો એમ બધા જ લોકો ત્રિકોણિયા ડાન્સની કિલપ્સ અપલોડ કરવા લાગ્યાં છે.