સ્વીડનમાં રાસ ગરબાની રમઝટ

સ્વીડનના યોનશોપીંગ સીટીમાં દર વર્ષની માફક આ વર્ષે પણ ગુજરાતીઓએ નવરાત્રીમાં જુદા જુદા ગુજરાતી રાસની રમઝટ બોલાવી હતી. માંગરોળના સત્સંગી સેવક પત્રકાર અને મંત્રી મનસુખભાઇ એમ.પરમારના સુપુત્ર અતુલકુમાર પરમાર (સિવિલ એન્જીનિયર) વર્ષોથી સહપરિવાર સ્વીડનના યોનશોપીંગ શહેરમાં રહે છે. તેઓ શ્રી ત્યાં સમગ્ર ગુજરાતીઓનું એક મંડળ ચલાવે છે. આ વર્ષની નવરાત્રીમાં તેમના મિત્રો વાલમ પ્રેમજી મેપાણી, તેના વીશ કુટુંબોના મંડળના તમામ સભ્યોએ નવેનવ દિવસમા આદ્યશકિતના ગરબા ગાઇ રાસ રમી સૌને ભાવવિભોર કરી દીધા હતા. જાણે કે સ્વીડનમાં ગુજરાત ખડુ કરી દીધું હતું. પ્રથમ નંબર પ્રાપ્ત કરનાર અતુલકુમાર પરમાર તથા વાલમ પ્રેમજી મેપાણીનું મોમેન્ટો આપી મંડળ વતી સન્માન કરવામાં આવ્યું. આ પ્રસંગે આમંત્રણને માન આપીને શાસ્ત્રી દેવપ્રકાશ સ્વામી ખાસ ઉપસ્થિત રહ્યાં હતા અને રૂડા આર્શિવાદ આપ્યા હતા તેમ સત્સંગ સેવક મનસુખભાઇ એમ.પરમારની યાદીમાં જણાવાયુ છે.